الزوجان شهابي
اشتقتلكون..
فقت من تلات ايام على خبر مذكرة توقيف من ادارة الفيس بوك بتمنعني من ممارسة اي نشاط على هالصفحة بسبب حجة فارغة..
تلات ايام عملت فيها مخبر على كل الصفحات، بقرا بدون القدرة عالتعليق.. و عملت فيها متل الرمادي اللي بيشوف بعينو من دون ما يتحرّك ضميرو بشي..
احداث كتيرة مرّت بهالتلات ايام..
ظهور بشار الاسد عالشاشة بعد مرور عمر طويل..
بدء معركة القلمون ..
عودة نشاطات معركة الحزم فوق اليمن..
انتخاب ملكة جمال سوريا..
اما الحدث الابرز و صاحب المؤشر الأخطر على انهيار نظام بشار الاسد بشكل كامل ، تمثّل بالبدء بعملية تفكيك معمل أدوية ألفا المملوكة من الشبيح الحلبي الأكبر فارس الشهابي، و نقل اجزاء آلات المعمل الى بيروت ..
الله يرحم ايام البطر يا ابن الشهابي لمّا كنت تدعي البوط العسكري تاج راسك لتدمير مناطق حلب المحررة..
الله يرحم ايام الزعرنة يا خول يوم اللي كتبت متباكياً على السويد و تتحسّر عليها بعد الهجرة القسرية للسوريين و وصفهم بالشحاطات بأحد الشطحات العنصرية اللا اخلاقية على صفحتك.. و الاستفاضة بالشرح و البكاء على السويد اللي وصفتها بأنها بعد جيلين من وصول هالشحاطات السوريين على أراضيها، رح يخرج منها جيل مشوّه عقيم..
الايام برمت و دارت ، و أهالي و احرار حلب جبروك انت و امثالك من الحشاشين ، و المرتشين ، و المهربين، و الشبيحة ، و تجار المخدرات ،و بياعين السلاح ، و العاهرات ، والقوادين، و الرقاصات ، و الطبّالين ، و رغدا و ميادة ، و العساكر ، و ضباط المخابرات ، أجبروك على ترك البلد لترجع قريباً لأهاليها ..
عم تتحسّر يا قاذورة على السويد و على اللي رح يصير بالسويد من ورا هجرة أهالينا !!!!
الحمدالله يا ابو الفوارس انو نحنا اللي كنا الاجئين مو انتو ، علي الحلال لكانت سيرتنا على كل لسان، و لكنت شفت ملك السويد بعد جيلين من اليوم و على قعدة متّة صوب طاولة مزينة ببوط عسكري معبّى بجرزة قرنفل ، و هوّة فاتح زرار قميصو بلون خملة الدراق ، و حاطط خاتم حجر برتقاني على اصبعتو ، و عم يحركش باظفر خنصرو الصغير منخاروا ..
عم يقول في خطابو المتلفز للأمة السويدية:
بدكن حرييي!!!!
