تفضلوا سيدي اشرحولها ليش بتندبح البنت عنا منشان رسالة حب ؟؟.

Bassam Yousef
 مرة زارتنا صبية سويدية وكنت عم اسمع بالصدفة عازار حبيب …. قمت انا ضعفت الصوت ادبا منشان نحكي لكنها اصرت ان يبقى الصوت مسموعا، صرنا نسمع وكانت الأغنية ( ع جبين الليل كتبتلك هالغنيية …ياويل الليل ان عرفوا أهلك فيي ) كيف الله ورطني وطلبت هي الصبية انو ترجملها كلمات الأغنية …
بلشت خبط بالسويدي وبالانكليزي وهي عم تهز براسها انو فهمت لحتى وصلت لمقطع ( يا ويل الليل ان عرفوا اهلك فيي) ترجمتها ..حسيتها مافهمت، سالتها، طلعت فعلا مافهمانة المعنى … رجعت مرة تانية وتالتة واستعملت المترجم تبع غوغل … وتهز راسها انو مافهمت …. بالأخير اكتشفت انو هي عم تفهم الترجمة بس ماعم تفهم ليش بدها تقوم قيامة أهل البنت اذا عرفوا انو حدا كتب غنية لبنتهن …
تفضلوا سيدي اشرحولها ليش بتندبح البنت عنا منشان رسالة حب ؟؟.