عطفاً عالبوست الماضي، و تعليقاً على كلام عمار بديع الاسد نقيب المهندسين و عضو مجلس الشعب عن مدينة اللادقية ..
طلبت منك يا دكتور عمار من أسبوع انو تحكي لزباين صفحتك اللي بيشبهوك خمس قصص ذكرتك فيهون، و كان ردّك انو عملتلي بلوك عالسريع، و استعرضت عضلاتك بعدين ببوست بيحمل كل المعاني و الأسباب اللي قامت منشانها الثورة..
حاولت ببداية بوستك ترهبني و تهددني بأهلي ، و هيدي طبعاً وحدة من اهم أدوات عصابتك، بحب خبرك يا مأفون انو عيلتي هيّة كل لادقاني و أصحابي هنن كل سوري، اما انت يا ابن العيلة المارقة، رح يجي اليوم اللي اتشوف حالك فيه مرمي بشوارع مشروع الصليبة اللي آوتك تلاتين سنة، آوتك لأنو ابناء عيلتك نبذوك من بداية عهدك، و طردوك من اكوارهم في مشروع الزراعة، و ما لقيت غير أهلي بحارتي هنن اللي يآووك..
اتهمتني بعدين بهروبي من خدمة العلم ملوحاً بالتخوين ، و اللي هيّة الأداة التانية اللي بيستخدمها النظام بعد الترهيب، و هاد مردود عليك و على كل عائلتك ، فأنا خدمت الوطن و ليس العلم بالفرقة ١٨ دبابات دورة ٨٠ ، وكان رقمي العسكري للتوثيق ١٠١٣١٠٧ .. فيا ريت تحكيلنا يا حشرة عن هالوطن اللي خدمتو؟؟ او صحيح نسيت انو انتو معتبرين حالكون الوطن..
و في إطار تقيؤه قال انو انا نسيان مين أسيادنا؟؟
اسمحولي هون شوي لأنو ما كتير فهمت عليه..
ولك يا دكتور.. يوم اللي اجا جدي الشيخ العلامة يحيى الصوفي عاللادقية سنة ٩٣٢ ميلادي واشتغل بالعلم و بالاجتهاد ، يعني من شي الف سنة ، لسّا عيلتك كلها ما كانوا بيعرفوا يفكّو الخط، و هالنطفة الأسدية القذرة لسّا ما كانت اتكونت، فالله يرضى عليك هيدي حكاية الأسياد كتير مبهبطة على عيلتكون يا ابن الطبّال بديع..
حاجة بقا كلام اعلى من مستواك ، رح انزل شوي لعندك لأنو كل اللي كتبتو فوق وعلى الرغم من شهادة الدكتوراه اللي بتحملها ما رح تفهم منّو شي..
عامل حالك رجال عالفيس بوك؟؟ كنت فرجيني رجولتك يوم اللي حسين الاسد أبن عمك خطف بنتك من بيتك و قدّام عينك..
كنت فرجيني نخوتك و شهامتك، يوم اللي اجا حسين ديب خطف مرتك نهلا من نص بيتك ليسلمها لحسين عشيقها و يتزوجها و هيّة على ذمتك..
كنت فرجيني حرصك عالوطن يوم اللي زوّرت أختام شركة النفط السوري لسرقة و تهريب البنزين و المازوت..
كنت استعرضلي رجولتك قدّام ابن عمك فواز لما ضربك بال شاطىء الأزرق و حرمك اتدوسوا كل عمرك..
اما علاقات الشذوذ الخاصة، و حفلات السمر فما رح احكي فيهون ، لأنو شي بيخليني استفرغ، و الشهيد كريمو كان بيشهد على كلامي لو بعدو عايش..
و بالنهاية بحب قلّك، راجــعيــن عاللادقية غصباً عنك، و رح نرقص بالساحات متل ما وعدتك، بالوقت اللي رح تكون انت وما تبقّى من عيلة الجراد اما بإيران او بإسرائيل مسقط رؤوسكون..
