ترامب يعترف بالقدس عاصمة اسرائيل

ترامب يعترف بالقدس عاصمة اسرائيل
آسفة اذا رح اصدمكن بس ما بتعنيلي ولا عاصمة الا دمشق .
بتعنيلي تبقى عاصمة لكل سوريا بدون اقتطاع محافظات ..
بتعنيلي تبقى الطرقات سالكة لحمص و حلب و الرقة و دير الزور ..
بتعنيلي بلدي سوريا الصغرى ام 14 محافظة .. مو الكبرى .
بيعنيلي شبابنا يتسرحوا و يرجعوا يربوا اولادهن و يصونوا بيوتهن .
فانا انسانة واقعية لا بحب عيش حلم القوميين و بلدي مُغتَصب .. و لا بحب ضحي بزهرات شباب بلدي للحرب في دول اخرى شاركوا اولادها بقتل اخوتي بالوطن .. و أفضّل حرق مفهوم القومية و احلال الوطنية محله بسبب قلة الوطنية اللي وضحت بشعبنا بالحرب .
الممانعة و المقاومة للعدو بتليق بدول مستقرة قوية من جوا مو واحد بيته عم يحترق راكض يطفي بيت بتاني حارة .
العرب هم من قد يغضبوا فيسبوكياً فقط دون أي فعل حقيقي تجاه فلسطين و قلت لكم مسبقاً انا سورية و لست عربية و كوني اعرف ان حكام العرب باعوا فلسطين منذ سنوات فلا ارغب ان ابيعها معهم بعواطف عربية لا تغني و لا تفيد .