نقد ذاتي بعد أربع سنين !!
– معقول انا طائفي و ما الي خبر؟؟
اذا كانت غيرتي على الظلم اللي لحق ولاد طائفتي بتنوصف بالطائفية ، فنعم انا طائفي و بشدّة..
– معقول انا مو وطني من دون ما حس؟؟
اذا كان نداءي لسوريا من دون كنية الاسد يعتبر لا وطنية ، فأنا ماني وطني و افتخر..
– معقول انا خاين بدون ما ادري؟؟
اذا كان مطلب الحرية و الكرامة و العدالة الاجتماعية خيانة، فأعلن إنّي سأستمر بخيانة بلدي..
– معقول انا إرهابي و معتقد حالي سلمي ؟؟
اذا كان شعار إسقاط النظام عمل إرهابي ، فأنا إرهابي متلّت بلدي أصيل مع التكبيييييير..
– معقول امّي عم تضحك علي اربعين سنة انها سورية و هيّة قطرية؟؟
دمعتها لما بتسمع اخبار سوريا، قلقها كل الليل عاللي عم يصير بحلب، دعاءها اللي ما بيوقف انو الله يحمي البلد، خوفها على حياة الثورة ، صفناتها الطويلة كل النهار ، شوقها لفنجان قهوة على بلكونة بيتها، كل هالشي بيعمل منّك يا امّي سوريّة..
تحية لكل أمهات سوريا الطائفيين الللا وطنيين الخونة الإرهابيين القطرووهابيين..
