جود عقاد – Joud Akkad
بلد مدارسها زبالة
استاذتها بيضربو
و الطلاب فوق ٦٠ واحد بالصف
حمامات المدارس الإبتدائي دائما مسدودة
مشافيها وخم
أطبائها جزارين
جامعتها أخر تصنيف بالعالم
النساء ما عندها حق الجنسية اذا تزوجت أجنبي
و بيقدر الذكر يتزوج ٤ اذا كان مسلم
و بتسمح بزواج القاصرات
و عمالة الأطفال
شورعها كلها مطبات
و مزابلها مفتوحة
رشاوي وسرقة و فساد
مليانة متشددين دينياً
الجيش فيها ولائه للرئيس مو للبلد
مافيها انتخابات و عندها عيلة وحدة من ٤٠ سنة بالحكم
بلد شوارعها مليانة حفر
و أكلها ملوث و مسرطن
و هواها و ميتها ملوثة
و تربتها مليانة نفايات نووية و كميائية
و المطاعم فيها مو معقمة
الأركيلة هي التراث رغم انها مسرطنة
الدخان وين ماكان
الغازات تبع السيارات والمعامل بتسمم الجو
أكبر ضابط بتشتري بصفد بيض و سطل لبن
مسموح شبابها الي متل الورد
يموتوا بدورة الصاعقة بنسبة ١٥ بالمية
الجيش فيها بيقصف الشعب
و الشعب بيقتل بعضه
و المخابرات بتحمي الحكومة
سيادتها منتاكة أختها
كل دول العالم بتسرح وبتمرح فيها
الانترنت فيها مراقب
و الفساد فيها محمي
و الرقاصة بالبلد بتفك مشنوق
و المشنوق بيخرا ع مية قاضي
بلد متل هي مو حرام الواحد يحترمها؟