ماغي خزام
ما كنت ناوية احكي عن العنف ضد المرأة لاني بآمن انه كل امرأة عندها خيارات, و ان تعنفت و استمرت بحياتها معه رغم التعنيف معناها هي بدها او لانها اقل من انها تستحق الحياة, ولكن مضطرة اكتب عن الموضوع لانه دخلت صبية اليوم عالرسائل طالبة نصيحة ، قالتلي : بعد سنة زواج قال الخواجة شاكك بعذريتها لما تزوجها و اما بتروح عند طبيب او ما بده ياها .
قلتلها : بعد سنة ؟؟؟ بكير يستناله شي 5 سنين كمان .
و هي ثاني امرأة بدون ما اعرفها بترتاح تحكي معي و تأمنّي عأسرارها و زوجها بيشك بعذريتها بعد مرور اشهر و اكثر و مابعرف قديش عدد النساء الّي عم يعانوا مع ازواجهن من هالنوع من الهَبَل الذكوري ، ولكن ببساطة و ثقة ومثل ما نصحت الصبيتين بنصح الكل .
قدامك حل من اثنين :
اما انك ترضخي و تروحي عند طبيب و تحضري حدك كل دقيقة مدى الحياة انجيل او قرآن لتحلفي كل سنة انك شريفة و تحضري حالك مع كل ولد لفحص
DNA
او اتركي و امشي و لا تلتفتي وراكي لأنه بالزواج هو ( تزوجك ما استعبدك ) و لما بتسايري بهالامور بتكوني انتِ بكامل ارادتك قررتي تتعنفي و تنداسي فلا تجي بعدها و تقولي انا معنفة .
و القرار بيرجع إلِك
