شو بدّي اتذكّر منّك يا عديّة؟؟
ضحكتي فيكي، او أحلى ايام العسكريّة..
هضامة اهلك، او ريحة الوردة الجوريّة..
مشوار دبلانك، او طعم الكبّة المشويّة..
مقام سيدي خالد، او روحات البريّة..
هواكي ، ميّاتك او حلاوة الجبنة البلديّة..
آهات شباب الوثبة، او بطولات الكرماويّة..
شو بدك منّي يا عديّة؟؟
احتلّيتي ألبي، و سرقتيه من بلدي اللادقيّة..
سرقوكي يا صبيّة..
خانوكي يا لبيّة..
بس فشروا .. رح تبقي غصباً عنهون سوريّة..
