“بدّي أحرق البلد ، اذا بيضل دقيقة وحدة حاكمنا هالولد..”

لو شاءت الأقدار و الظروف ، و لو فرضنا جدلاً انو عائلة الاسد بتنحدر من أصول دمشقية سنيّة عريقة ، و قام عمر الاسد الاب sinialawachrو بعد حكم تلاتين سنة بالنار و الحديد بتصوير مشهد دراماتيكي كوميدي على طريقة اسماعيل ياسين في مجلس الدمى السوري لتوريث أبنو خالد الاسد لمقاليد الحكم في سوريا..

و قام بعد عدة سنوات حمزة نجيب ابن خالتو لخالد بنزع أظافر ولاد القرداحة بعد ما كتبوا على حيطان ضيعتهون ” اجاك المارد يا خالد “..

الأسئلة المركزية !!!

هل كانت لتقوم الثورة السورية لإسقاط خالد الاسد و نظام عائلتو؟؟

هل كنّا سمعنا في الشارع السنّي السؤال التاريخي : من البديل ؟؟؟

هل كنا شفنا اولاد السنة عم يشكلو جيش الدفاع السنّي اللي بيترأسوا العميد بدر الاسد؟؟؟

هل كان ابناء الطائفة السنيّة رح يصّفقوا لسقوط البراميل المتفجرة فوق رؤوس أطفال و نساء قرى جبلة و طرطوس؟؟

هل كانوا السنّة سمحوا بلجوء ابناء الطائفة العلوية الى مخيمات الذل في لبنان و الأردن ؟؟

هل كان السنّي بيرضى تدّخل التركي بحجة حماية المسجد الأموي لقتل اخوانهون العلويين؟؟؟

هل كان السنّي سمح بانشقاق مؤسسة الجيش ، الضامن الوحيد للأمن ؟؟؟

هل كان السنّي رضي يشوف ولاد طرطوس عم يشحدوا باحياء بيروت لقمة الخبز؟؟

هل كان السنّي سمح بدخول ميليشيات طائفية لذبح وتطهير قرى العلويين ؟؟

هل كان السنّي بيقبل انو يشوف سوق اسمو سوق العلويين في احياء حمص؟؟

هل كان السنّي بيرضى ينحكى على بنات العلويين انو عم يمارسو العهر في مخيمات اللجوء و يشمت ببنات بلدو؟؟

هل كان السنّي ممكن يقول: الاسد السنّي او منحرق الدنيي؟؟؟

هل كان رضي السنّي ينحكى على عرضو من بنات بلدو بانهون عم يمارسوا جهاد النكاح ؟؟؟

هل كان السنّي سمح للتركمانية السنيّة بطلب الحماية الدولية ؟؟؟

انا رح قلكون شو كان عمل السنّي ..
كان نزل عالشارع ، و شحط خالد و عيلتو من أذنابهون ، و طالعهون لعند اهالي أطفال القرداحة ليقرروا شو رح يعملو فيهون، و كان علّق مشانقهون بقرى جبلة ، و صرخ بأعلى صوتو :

“بدّي أحرق البلد ، اذا بيضل دقيقة وحدة حاكمنا هالولد..”

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.