بدي من الاشاوس المدافعين عن الكنائس و الجمعيات ( جماعة انه ما حدا عم يقصر ومافي خيار و فقوس ) يتفضلوا يعطونا حل لهالمرأة
…………….
صباح الخير مدام ماغي.. كيفك بعرف انك رح تستغربي من رسالتي بس فشة خلق لا اقل ولا اكثر.. أنا زوجي شيف بفندق الشام راتبو 29500 وعندي ولدين صغار عم نعيش بهالراتب بالف يا ويلاه.. وعم نضل نقول الحمدالله. طبعا زوجي مافي مجال يشوف شغل ثاني لانو بيطلع 11 الصبح وبيرجع 1\12 بليل يعني وقت معبى بشغل متعب وراتب حقير.. عم نوصل ل15 الشهر ونحنا عم نصرف بالقطارة.. صرت مقدمة عكزا شغل وما عم يزبط شئ معي هلء نازلي مسابقة لخريجينا من المعهد المصرفي طبعا الواسطة الها دور كبير وان واسطتي الله ليش ما حد عم يقبلو والله ما بعرف.. المهم كل ماروح عجمعية او كنيسة لسجل فيها لاعانات غذائية الحمدالله ما بيرضو كونو ما بعرف غير اخر الناس.. مدام ماغي شوفية اعمل كرمال هالحقرا اصحاب الكنائس يسجلوني والله عم نضل 15 يوم عالزعتر والزيت انا كرهاني كلشي صحيح مابحكي عن وضعي لحدا بس خلصصصصص نطفح الكيل.. كل ماروح عمركز لاعانات بقلولي خلص التسجيل وجيراني كلهم صارو مسجلين بكزا مركز طبعا انا عيني مو بشي بس بدي امن لبيتنا شي يكفينا خلال 15 يوم لضلو..معقول انا مالي حظ بالاعانات والاعانات صارت حظ وشطارة.. اسفي طولت عليكي بس فشيت شوي من قهري.. بحبك كثير
