بتعرف شو يعني يكون عندك طفل متوحد؟ او شو يعني التوحد؟

طفل التوحد بحالته المعروفة سواء بيقدر عالنطق او لا .. هو متل السيارة الصغيرة اللي مركبلها محرك بقوة 10000 حصان .
بتضاعف القدرة عالسمع لدرجات ما منقدر نتخيلها .. بحيث قادر يسمع مع الاصوات المحيطة فيه اصوات تنفّس الناس و اصوات حتى الموجودين برا غرفته و بيسمع الكل بنفس اللحظة بدرجات متضخمة بعشرات المرات عن قدرتنا عالاستماع .
قدرة السمع و البصر السريعة جدا بتخليه ينتبه لادق التفاصيل بدون ما يستغرق الوقت اللي منستغرقه نحن لنقدر نحفظ شيء معين .
هالشي بيحول مخه لكمبيوتر فريد من نوعه و لهالسبب معظم المتوحدين عندهن قدرة فظيعة بالتعامل مع التكنولوجيا الحديثة .
البعض القليل منهن عندهن القدرة يشوفوا عالم ما ورائيات .. يتواصلوا مع ارواح اخرى ما منشوفها وهدول لليوم ما لقولهم تسمية الا الملائكة عندهن قدرة فظيعة عالتنبؤ بالاحداث و حماية انفسهم منها .
البعض الاخر عنده قدرة رهيبة على اجراء اعقد العمليات الحسابية وبسرعة تفوق سرعة قرائته للسؤال .. البعض فنان بالرسم لدرجة انه قادر يرسم منظر لمحه لثواني وبتفاصيل دقيقة بالوقت اللي عيننا المجردة مابتقدر تلقطها الا بعد تمعن لساعات .
بالنسبة لستي بتعتبر الموبايل شي فضائي وغير مفهوم و بتفضل تبعد عنه تحاشيا لعدم فهمه والتعامل معه .. ونفس الشي جيلنا و حكوماتنا بتنظر للتوحد .
التوحد ليس بمرض لتدعوله بالشفاء .. ولا هو لعنة او غضب الهي لتخجل فيه .. التوحد هو تفرد المتوحد بميزات منحه الخالق اياها دون سواه .
ليش عم انشر هالبوست ؟
لليوم اكثر من 100 تعليق و رسالة بهالشهر عن اهالي بسوريا حاسسين بظلم رهيب لهم .. لا في صفوف بالمدارس خاصة باطفالهم و لا في مراكز بمناهج تطوير معتمدة عالمياً لتطور فيهم .. مافي اوتوكارات تاخدهم عالمدرسة .. مافي روضات اطفال تقبل تستقبلهن .. وان وجدت مدارس و روضات مختصة فبيتجاوز رسمها 600 الف ل.س سنويا اي 25 ضعف معاش الاب شهريا ..
المجتمع مريض لدرجة مابيصدق يلاقي حاله كامل بشي الا ليبلش مفردات : ( يا حرام .. الله يشفيهن .. ليش هيك ؟.. من شو ؟.. يعني وراثة او كيف ؟ ) وطبعا هالمفردات اللي بتدل عشخصيات معوقة فعلياً مافيكن تتوقعوا كيف بيكون اثرها بقلب الاهل واللي عم يقولها بيعرف تماما انه وجوده وعدمه عالكرة الارضية كلها سواء بس انه اخيرا لقا حاله بشي افضل من حدا ؟
اليوم ما منقدر نربّي مجتمع تعود يتمسخر عذوي الاحتياج الخاص .. ولا فينا نطور دولة و حكومة رجالاتها بحاجة لمصحة نفسية بدل المكاتب .. بس فيني قلك : ابنك هاد اللي اليوم هو غصّتك .. بكرا رح يكون الوحيد اللي بيصنع عالمك فرح .. انت استاذه و انت محاميه و انت العابه و اصغر و اكبر تفاصيل حياته .. وهو ملاكك ومصدر سعادتك الحقيقي .
#لا_تكون_انت_والمجتمع_ضده