انتصارات بشار الأسد لا تتجاوز الإعلانات الطرقية… فيك انتصرنا
منتشرة بساحات و شوارع العاصمة صور عملاقة لجحش القرداحة مكتوب عليها و بالخط العريض :
فيك انتصرنا ..
و كأنو هالنظام ما بيعرف الهزيمة أبداً بتاريخو، و عندو قدرة هائلة للكذب على الذات و تحويل الهزائم بالضربات القاضية، الى انتصارات الهية لبيعها لجمهور الحمير اللي بعدو لاحقوا من شركاءنا بالوطن … و كلمة الانتصار باتضّل ملازمة لسانو بكل حالات الانهزامات المنكرة اللي اتعرضلها على طول مسيرتو النضالية..
سنة ٧٣ خسر الجولان نهائيا، و طلع علينا عم يصفّق لانتصار استعادة أراضي من القنيطرة..
سنة ٨٢ اتدمّر سلاح طيرانو في سما بيروت، و خرج علينا معلناً انتصار ساحق على إسرائيل بدعوى صمود جيش المشاة ..
سنة ٩١ خسر سياسياً لبنان و سلّمها للسعودية بعد الطائف ، و انبرى مع ذلك على المنابر عم يزلغط للانتصار الجديد و لتشريع منطق الطائفية القذرة..
سنة ٩٨ خسر الإسكندرون بكل خسّة بعد تحشيد الجيش التركي ، و طلعو علينا ولاد القرداحة انو من الأساس الإسكندرون رايحة و رايحة فان لم تكن انتصار فهيّة بدون شك ليست هزيمة ..
سنة ٢٠٠٥ انطرد من لبنان و خرج مذلول من ثكنات العاصمة و ضواحيها، بس اعتبروا الانسحاب المذل انسحاب تاريخي و انتصار بعد مليونيات ” شكرًا سوريا الاسد “..
سنة ٢٠٠٦ اتدمّرت لبنان فوق راس أهلها نتيجة تصرّف أرعن لقائد ميليشا المقاومة التابعة للفرقة الرابعة، و مع ذلك اعتبرو صمود أهالي لبنان في مدينة القصير و اخواتها انتصار ، و انتصار الهي فوق منها..
سنة ٢٠١٣ سلّم بكل وضاعة سلاح الجيش الاستراتيجي و اللي مكلفنا مليارات الدولارات، اعتبرو مجرد بقاء الاسد بالقصر هوة الانتصار بحد ذاتو..
بس للتاريخ ، و منشان ما حدا يوصفنا إننا مجحفين بحق هالنظام و عم انشوّه الوقائع ، النظام انتصر بمعركة وحدة فقط خلال كل مسيرتو، و مع ذلك اعتبرها هزيمة :
سنة ٢٠١١ انتصر بقتل الخوف في قلوبنا نصراً مبيناً و إلهياً ، فكانت هزيمتو اللي ما رح يقوم منها بحياتو..
