من تلات ساعات و انا عم حاول النوم ، و ذاكرتي عم تحارب نعسي…
صوت الطفلة في تلك الليلة الكيماوية ما زال عم يرن في ادني : انا عايشة انا عايشة..
شو بدي قلها للصغيرة اذا سألتني ليش حاولو يقتلوني ؟؟
ما بدي اكذب و قلها انهون حاولو قتلك لانك طالبتي بالحرية؟؟؟
و لا بدي لف و دور عليها و قلها انهون حاولو قتلك لانو بدك تعيشي بكرامة؟؟
و لا بدي اخدعها و قلها انهون حاولو قتلك لانك طالبتي بالعدالة؟؟؟
ما بعرف اسمك لناديكي، كلشي بعرفوا عنك صوتك الملائكي و انتي عم تصرخي انا عايشة انا عايشة…
بس تكبري بخبرك ليش حاولو يقتلوكي احفاد الرذيلة.. ما رح تفهمي علي اذا قلتلك اليوم شو السبب.. اللي فيني قلّك ياه هلأ :
انك بعدك عايشة جكر بمن حاول قتلك كرهاً بسيدتنا عائشة..
صوتك حبيبتي يزعجهم.. تابعي الصراخ ، فلا شيء يقتلهم الا صوتك و انتي عم تصرخي : انا عايشة انا عايشة…
