انا زاعجني اللبناني اللي حرمني لقمة عيشي في بلدي

بعد التفجير اللي صار في بيروت مبارح و راح ضحيتو بعض المدنيين ، انتشرت صورة عالصفحات اللبنانية لخارطة لبنان مفصولة بالبحر عن سوريا ( الصورة في التعليق الاول ) ، و إخواننا في بيروت نازلين تعليقات عنصرية بحق السوريين و ضرورة طرد اللاجئين من الاراضي اللبنانية حفاظاً على أمن لبنان..

أخي اللبناني بحب ذكرك..
مليون سوري في لبنان ما تركوا بيوتهون و راحوا سياحة ليتمتعوا بجمال جبال و سحر سهول و ألوان بقاع لبنان، هدول مليون سوري اتهجّروا من بيوتهون لأنّو في لبنانين متلك هنن اللي طردوهون منها، و احتلو أراضيهون بحجة حماية مقدساتهون..
آلاف الزعران اللبنانيين دخلو سوريا بسلاحهون و عقيدتهون لطرد السوريين و احتلال ممتلكاتهون، الشي اللي خلّاهون يلجؤوا لقاتلهم..

فبدل ما تنزعجوا من مليون سوري فقير هرب خوفاً على اراضيكون، حاولو تتفهموا سبب هروبهون..

و اذا زاعجك السوري انو عم يشاركك لقمة عيشك ببلدك..
انا زاعجني اللبناني اللي حرمني لقمة عيشي في بلدي..