الى متى يا ولاد الكلب رح اتضلّوا بسوريا

ما في شي بتقروه على صفحات الشبيحة الا بتوجيه رسمي من شعبة المخابرات العامة ..
بيطلع التوجيه مثلا انو الشعب الجحش اليوم لازم يحكي عن الكهربا، بتلاقيهون لهالشبيحة يا عيني مبحوتين على وزير الكهربا و مدير الكهربا و صابّين غضبهون على عواميد الكهربا..
متل هالايام السنة الماضية ، تفاجأت انا شخصياً من حملة ” الى متى ” اللي انتشرت على صفحات اعتى شبيحة اللاذقية ، و انصدمت بحجم التعليقات اللي رافقت هالحملة، و السؤال اللي كان مطروح على صفحاتهون :
“الى متى سليمان هلال الاسد رح يضل يشوّه اسم العائلة الكريمة ؟؟ “
استمرت هالحملة بعض الوقت اللي كان كافي لترتيب تصفية هلال ابوه لسليمان، و الانتهاء من هالظاهرة اللي أزعجت الاسد لأسباب حكينا فيها كتير من قبل..
بالعودة لأصل البوست..
بيقولوا عادة انو بكل عيلة فيها بلوعة، و سؤال الى متى سليمان الاسد رح يضل يشوّه اسم هالعيلة ، بيعطينا انطباع انو هالعيلة مؤلفة فقط من الملائكة ، و اجاها هالكلب المتآمر سليمان اللي بدّو يشوه تاريخها..
حابب ذكّر شبيحة اللادقية ببعض القصص ، بركي منسمعهون عم يقولو الى متى !!!
فواز الاسد:هل نسيتو قصتو مع بنت القدسية !!! الى متى؟؟
منذر الاسد: هل نسيتو قصتو مع زوجتو التانية !! الى متى ؟؟
هارون الاسد : هل نسيتو حكايتو مع بنت التركماني!! الى متى؟؟
هائل الاسد : هل نسيتو اقتحامو للأمن العسكري !! الى متى؟؟
هلال الاسد: هل نسيتو حربو مع بيت الشعبو!! الى متى؟؟
دريد الاسد: هل نسيتو قصة الطفلة من بيت الشغري!! الى متى؟؟
فراس الاسد: هل نسيتو المرحوم صفوان الاعسر!! الى متى؟؟
عمار الاسد: هل نسيتو حكاية ختومة البنزين!! الى متى؟؟
محمد الاسد ( شيخ الجبل) :هل نسيتو قصة خطف بنت الكاتب !! الى متى؟؟
سامر الاسد: هل نسيتو قصة حريق معمل النسيج !! الى متى؟؟
ايهم الاسد : هل نسيتو شركة سرقة النفط السوري على قبرص !! الى متى؟؟
حافظ منذر الاسد : هل نسيتو المجزرة اللي عملها على جسر ساحة القطار!! الى متى ؟؟
عامر منذر الاسد: هل نسيتو كيف مات و كيف موّت صحابو وهوة عم يلعب بالقنبلة!! الى متى ؟؟
باسل الاسد : هل نسيتو قصة ابن النبكي باللادقية !! الى متى ؟؟
بشار الاسد : هل نسيتو فضيحة اياد غزال معو بجامعة حلب !! الى متى؟؟
رفعت الاسد: هل نسيتو نهبو للمصرف المركزي!! الى متى؟؟
حافظ الاسد : هل نسيتو مين بيكون!!
انا رح ذكركون اذا نسيتو ، بيكون راعي كل هالبقر اللي انذكروا بهالبوست..
السؤال الوحيد اللي جاية عراسي هلأ :
الى متى يا ولاد الكلب رح اتضلّوا بسوريا ، قرّفتونا عيشتنا..