الى رجال المجمع المسكوني و بطاركة و اساقفة و رجال دين الطوائف المسيحية

الى رجال المجمع المسكوني و بطاركة و اساقفة و رجال دين الطوائف المسيحية الكاثوليكية و المارونية و الارثوذكسية و الانجيلية :
انا بتحاسب انسانياً و اخلاقياً عكل كلمة بتطلع مني اما تعليقات الناس فطبيعي ما اقدر احظر 2000 تعليق مسيء ولا حتى بلحق اقراهن
فما بتقدر اذا ما لقطت غلط عليي انك تحاسبني عتعليقات فيسبوكيين
اما مطلب بطركية الروم الارثوذكس او المجمع المسكوني انه ارفعلهن كتاب رسمي بالفروقات فبعتذر منكن انا امرأة متزوجة و ام و عندي شغلي و حياتي و ما عندي للاسف وقت لطابق كتاب عهد قديم و جديد مؤلف من 2000 صفحة لقدملكن التزوير بدقة .. بعتذر سلف عجرأتي بس هي شغلة الكهنة هن عم ياخدوا معاشات و سكن و بدل سيارات .
انا كإعلامية مسيحية ضويت النور على خطأ و صرخت بأعلى الصوت ليسمعوا النايمين و قلت كلمة (( احرقوا )) و شو صعب لفظها عليي لما بيتبعها جملة كتاب مقدس .. بس اضطريت .. لانه الشعب المسيحي مارح يهتم بالكتاب المقدس الا اذا استعملت مصطلح صدمة ..
اما متابعة لجان و رفع مطالب وفروقات مو شغلتي .
و لانه بعرف هيجان الرعية عليكن بسببي فالحل هو كالتالي :
ان كنت انا كذابة يطلع كاهن و يواجهني من الكتاب المقدس .
و ان كنتو بتعرفوا اني على حق ( و حكماً البطاركة و المطارنة بيعرفوا ) انه الترجمة المشتركة ملعوب فيها لصالح الدين الاسلامي فبتمنى عليكن امام ربنا انه تاخدوا موقف متل الكنيسة القبطية لانه اتباع الكاثوليك و الارثوذكس و الانجيليين حوالي مليارين حول العالم و حرام ملايين البشر يخسروا خلاصهم بسبب بعض رجال الدين ممن باعوا المسيح برخيص .
علماً اني بعرف تماماً انه لا انا و لا انتو رح تقدروا تسحبوا الكتب من السوق لانه المخطط الماسوني لوحدة الاديان و الطوائف بلش ومافيكن للاسف توقفوا بوجهه .
محبتي و احترامي فقط لكل أب كاهن (( مُعين من الله لا من أشخاص او افرع امنية )) و حقك انت فقط عراسي اذا سمعت كلمة زعجتك من متابعيني بالغلط .
هذا آخر ما اكتب بخصوص الكتاب المقدس و سامحوني عالاطالة .