كتبت الفنانة البطلة مي سكاف :
الموالي كيف قدران .. يتصالح مع ذاتو ومع ضميرو .. عن جد عم اسأل .. ما مرقت صورة حمزة الخطيب ورفقاتو ويلي عملوه فيّون .. ما سمع باغتصاب النساء السجينات وتعرضون لعمليات الإجهاض يلي نفذوها جنود وعساكر وشبيحة .. ما سمع ولا مرة بذاءة الموالين ! .. ما شاف القنابل … النابالم والفوسفوري والفراغي والكيماوي ووو .. حاول يسمع مظاهرة سلمية !! حاول .. يفهم شو كان بدون الثوار ؟ وكيف النظام رد ؟ تابع كيف قدر النظام يأسلم الثورة لما طلّع الخفافيش السود من سجنو ولا كمان ما سمع بهالخبرية .. لما النظام عسكرها وسعى ونجح لتتسلح العالم .. ما سأل حالو ولا سؤال .. ماسمع ضابط مخابرات منشق عم يعترف كيف اتحولت الثورة من ثورة مدنية لثورة خفافيش ونصرة ! ياترى القاشوش ما حرك عندو شي من إحساس ! لما علي فرزات اتكسرت أصابيعو وارتمى بربع روح على طريق المطار ما سأل حالو عن مين عم دافع ولا شو هالمؤامرة الكونية يلي بتخلي نظام كامل يخاف من أصابع فنان ويهشملوا جمجمتو .. ما شاف أطفال عم تنفض متل الجاجة المدبوحة بالغوطة .! شافها أكيد .. شافها…وأكيد نام ليلتها عم يحمد ربو على نعمة الخذلان والنسيان …تاني يوم خلصت .. كان رايح يتعشى بشي بار .. ويحكي عن المؤامرة الكونية على بلدو… طيب هلئ البلد نص شعبها تهجر ونص نصو استشهد .. وما بقي إلا يلي عم يرقص ويطبل ويسهر ويحيي الجيش البطل .. والقانون هو قانون الذل يلي رح يعيشو كل عمرو. مابعرف أخي المواطن إذا فيك تطوي صفحة وتستمر .. الله يقويك .. لاتنسى تشرب كاس الوطن بس أنا ماني عرفانة كيف فيني استمر .. كائن متوازن. أو كائن كيف ماكان و شو ماكان ..