في اللقاء الصحفي مبارح، معالي وزير الاعلام عمران الزعبي طالب الشعب السوري بالضغط على سيادة الرئيس للترشّح للرئاسة في جولة الانتخابات المقبلة..
و من موقعي كمواطن صالح من هالمواطنين، رح مارس الدور الوطني اللي انطلب منّي، و رح ابدا اضغط على سيادتو..
كلمتين ولا سيادة الرئيس ولا ..
بالصرماية العتيقة بدّك تترشح، شو مفكّر الحكاية سايبة؟؟؟ من وين بدنا نشوف جحش متلك يحكم هالبلد !! بدك تقطع عشرين مليون سوري من الضحك على كل كلمة بتحكيها!!
مين بدّو يضربنا بالبراميل ؟؟ ولك مين بدّو يمطنا و يشطنا على بساط الريح؟؟ بدّك هالشعب يضل قصير؟؟؟
يعني أتخيل انك تروح و يجينا رجّال حقيقي يعرف ايمات الزمان المناسب و المكان المناسب ، بدك اتعلقّنا بإسرائيل يا ابن الحرام ؟؟؟
بدك تحرمنا نشوف حفلات اللطم بالحميدية كل عاشورا، ايه ما حزرت..
بدك تمنعنا انشوف احدث السيارات مع ولاد عمومك، ايه فشرت..
بعدين تعا لهون.. شقفة ثورة صغيرة خلّتك تبول تحتك و ما بدّك تترشح؟؟؟ الله لا يرحموا لأبوك ، محى مدينة بناسها لحتى يضل، امحيلك شي سبع محافظات و ضل..
بعدين انت متخيّل اذا رحت شو رح يصير بهالشعب؟؟؟ كلّو رح يتثقّف و يدرس و يطمح يصير رئيس بالمستقبل، بدّك يا ابن الكلب تولّع الديمقراطية ببلادنا!!! طويلة عرقبتك..
عشرين مليون سوري يا ابن الكلب بدك تحرمهون من رواتب بندر؟؟؟؟ ما عكيفك و لا تحلم بهالشي..
و هالاربع نسوان اللي برقبتك، وين بدك تروح فيهون!!! ما حرام تكسر بخواطرهون؟؟؟
و لك مين بدّو يعلمنا روسي من بعدك؟؟؟
مين بدّو يخلينا نتعلم نتعايش مع الطبيعة بخيامنا غيرك؟؟
بعدين اذا انت ما خايف من بعدك عاللي مسمّين حالهون الأقليات ، و الله انا اكتري و خايف .. مين بدّو يذل اللي خلّفهون اذا فلّيت، نحنا الاكترية ما بيطلع بإيدنا نذل حدا، فما تعتمد علينا..
طيب اذا انت ما سائل عن قبر الفاطس ابوك ، بدي ياك تعرف انو عشرين مليون سوري الهون تلات سنين لهلأ حاصرين حالهون و ما عم يدخلو عالتواليت، شو بدّك اتذل ابوك بعد ما طالعك انت و عيلتك من تحت المزاريب يا ابن الحرام ؟؟ صحيح انك ولد عاق..
طيب مو حرام هالابن الحرام ابنك تحرموا من منصب رئيس بعد كم سنة؟؟؟؟ طيب بركي بيقدر بوقتها يحدد الوقت المناسب و الزمان المناسب و يقرطنا شي نصر الهي من اللي بالي بالك..
من الأخير يا سيادة ابن الكلب..
نحنا شعب مارس ضبط النفس على حيونة عيلتكون خمسين سنة ، و دفعنا تمنها من ولادنا و من أنفسنا ، و ما مستعدين نضيّع تعبنا ببلاش..
بقا من هون و من موقعي :
بدّك تترشح بالتاسومة، بدّك تترشح بالكلاش الديري، لن ننسى لن نسامح اذا عملتها و هربت متل جربوع المجارير..
ترشّح يا سيادة الرئيس ، فحياتنا من بعدكون حرية بتخوّف اعداءنا، و ديمقراطية ترعب جيراننا، و عدالة اجتماعية تعرّي اقليمنا..
اترشّح يلعن امّك اذا ما بتترشح..
المواطن الضاغط زياد هشام الصوفي..
