Salwa Zakzak
كان سعر بطاقة حفلة جورج وسوف ب١٨ ألف بمسرح مجمع دمر الثقافي..اليوم سعر بطاقة حفلة مروان خوري ب٨ آلاف بقلعة دمشق..
الفنانين مقامات وكمان سعر البطاقات..وللعلم مبارح حفلة المطرب حسين الديك كانت فول عالآخر..وكمان بقلعة دمشق.
جنبي ولد بيشتغل بتوصيل طلبات لمحل فروج ،سألتو اذا معك ٨ تلاف شو بتعمل فيهن؟
اول الف بشتري بطيخة حمرا كبيرة لأهلي..
التانية والتالتة والرابعة والخامسة بروح وباخود معي أخي عالمسبح وقال يالطيف شو مشتهي هالروحة..
السادسة بشتري شحاطة لأمي..(بلاستيك طبعا).
السابعة والتامنة بشتري شنتة مدرسة لأختي لأنها كتير شاطرة..
بس وصلنا لرقم ٨..طلع في وقلي خلصوا مو؟ قلتلو أي خلصوا..قلي أمي دوما بتقول المصاري بتخلص بسرعة حتى بالمنام…
والطرب الأصيل من عنا..والله..تروحوا نتسمع؟
