اللي بترضى تتعين بالواسطة بدها تتحمل خرينة اصحاب الواسطات الاثقل

اعتصام الاعلاميين امام مبنى التلفزيون دفاعاً عن كرامتهم المهدورة من قبل المدير العام و سكرتيرته كما قالوا .
وحدة منهن بالفيديو حاطة الحمرة بطريقة تكون صلة وصل بين الأذنين و الفم لدرجة لو ماقريت العنوان تخيلت انه الاعتصام لحجيات امام احد الكابريهات قالت : عم نطالب بكرامتنا .
يا عيون الماما ، انتو لما طلعتوا عالشاشة ما حسيتوا انكن انتهكتوا كرامة المواطن اللي مضطر يشوف نشاذ و يسمع نشاذ ؟
بدل هالاعتصام كل واحد ووحدة فيكن يتصل بالضابط اللي شغله و اجتماع واسطاتكن كفيلة انه تقعدوا بالبيت و تقبضوا مو بس بتلغوا البصمة .
مع احترامي لل 10% المظلومين مادياً و معنوياً ، بس اذا بيتغربل التلفزيون السوري ما بيبقى 500 من اصل 6000 .. لك اذا المدير الجديد انفرض بالواسطة فهاد شلون له عين يصلح ؟؟
سلميلي عكرامتك و قوليلها : اللي بترضى تتعين بالواسطة بدها تتحمل خرينة اصحاب الواسطات الاثقل .