اللهم سدد رمي بيت الاسد و بيت جديد في هذا الصراع ..

عائلة جديد ، هي من العائلات العلوية النادرة اللي واقفة ضد عيلة الاسد ، مو محبةً طبعاً بالحرية ، و لا رغبةً بالديمقراطية ، بس الصراع بين الاسد و جديد صراع عتيق من إيام تصفية الاسد الاب لكل أصدقاء دربو على طريق خنق سوريا..

صلاح جديد مات بالسجن بعد ما رفض ينحني لحافظ الاسد ، و فضّل الموت ورا القضبان على انّو يطلع و يعيش تحت رحمة سجّانو..

الحقد كتير كبير بين العائلتين و مازال.. و الانتقامات شغالة بينهون..

فمن عشر إيام تقريباً ، قاموا شبيحة تابعين لبيت الاسد باختطاف الضابط بسام جديد من بيتو في جمعية المعلمين في جبلة ، و بعد تلات إيام شافوا جثتو مرمية قدّام مشفى النور على طريق جبلة – بانياس..
بعد يومين من هالحادثة ، و على كورنيش جبلة ، بيشوفوا الأهالي جثة مرمية على الصخر ، اتضح بعد أخدها الى المشفى انها بتعود لصلاح جديد اخو الضابط المقتول قبل يومين..

و انا من عندي بدعي لربّي بهالأيام الفضيلة..
اللهم سدد رمي بيت الاسد و بيت جديد في هذا الصراع ..