العلوي عالتابوت، و المسيحي عم يترحّم عايام بيروت

القصة أدناه موجّهة لحلفاء بشار الأُسد ، لأعطيكون مثال عن قيمتكون عندو..
بيروت ١٩٩٠…
بعد دخول الجيش السوري على بيروت و الضاحية، كان العميد هاشم معلا قائد الفوج ٤١ قوات خاصة مستلم زمام الامور…
من المعروف عن هالعميد الدور القذر اللي قام فيه بحق اللبنانيين بشكل عام ، و المسيحيين بشكل خاص..
العميد معلا و اثناء خدمتو في لبنان المحتل، كان بيملك فيلا في صوفر و تانية بعالية و تالتة بضهور الشوير و رابعة بالرملة البيضا…
و كان مع كل دخول للفوج ٤١ على اي مدينة او ضيعة لبنانية ، يقوم بإعطاء الأوامر للعساكر بتعفيش البيوت بعد طرد الأهالي ، مستخدماً الخط العسكري و اللي بيوصل مدن لبنان مع الساحل السوري لإخراج المسروقات ..
قائد الفوج ٤١ قوات خاصة و اللي مركزها بوقت السلم في حرستا، كان يناوب اربع ايام في بيروت و تلات ايام بالشام، و باغلب الاحيان يضل ببيروت ليراقب عن كثب عمليات النهب المنظّم اللي كان بيرأسو..
شخصية عسكرية عالطريقة الاسدية، مزاجي و عصبي لابعد الحدود، لدرجة آنو أجبر ولادو الاربعة فراس و مصعب و غيداء و ردينة على تعلّم السباحة ليشوف فيهون واحد بيشبه فروسية الباسل ..
بيجمع قادة الفوج و بيعطي الخطاب الحماسي للمعركة اللي اتسمّت لاحقا معركة طرد ميشيل عون ” حليف الأسد اليوم”…
” بدنا كذا من اختو لميشيل عون، أبدي منكن انتو ابطال الاسد اتوفرو واحد من هالمسيحية الكلاب، و بدي تجيبولي عون عايش لحتّى اصلبو و لحقو بمسيحو…”
مع تهليلات عناصر فوج ابو شحاطة انطلقت المعركة…
معركة قصر بعبدة كانت فرصة لهاشم معلا و للضباط اللي معو للنهب و للسرقة، فالكل بالاضافة لسلاحو كان حامل مفك و بانسة لتسهيل أمور الخلع و السلب..
و بأثناء التقدم بمنطقة عالية اللي باتطل على حي الجمهور في بيروت الشرقية، حقول ألغام ممتدة كشفت عنها فرق الهندسة و خبّرت قيادة الفوج فيها مسبقاً، بس الطمع و الجشع لقائد هالفوج بالوصول لبعبدة قبل باقي الافواج و الحصول عالغنائم، خلّاه يعطي الاوامر للعساكر باكتساح حقل الالغام باجسامهون …
٢٠٠٠ عسكري من حرامية الديار كانو عالارض مرميين أشلاء ، و الالف الباقية منتشرين بالحقول هربا من مدفعية الجيش السوري اللي صارت ترمي عليهون بالغلط و تحت أوامر سابقة لهاشم معلا بتفجير حقول الالغام…
حماة الديار بعدهون بعالية و خسارتهون اتجاوزت ٣٠٠٠ عسكري، و الهدف شو؟؟؟ لا تحرير الجولان و لا استرداد القدس، الهدف بس الوصول أولاً و تحصيل الغنائم…
نص ساعة الطيران السوري عم يحوم فوق المكان بدون تقديم اي مساعدة، و كلشي عملو هاشم معلا كان الاتصال بعلي حيدر و السب على قائد المدفعية اللي عم تضرب على جنودو لتبرئة نفسو من دم العسكريين اللي اتمزّقت أجسادهون..
وصل الخبر لميشيل عون، أنو القرار بازاحتو من القصر طلع، و المعركة اللي شغلوه فيها مع جعجع خلصت و اجا الوقت ليهرب ، و الطريق عالسفارة الفرنسية نحنا منفتحلك ياه و منوصلك لهونيك…
دخل حماة الديار على بيروت الشرقية المسيحية…
اسبوع كامل من النهب الممنهج، سيارات الزيل العسكرية ما عاد تلحق نقل عفش و سيارات و رخام البيوت و ايقونات و أجراس الكنايس..
قاوم جعجع كم يوم و استسلمو جماعتو بعد ما تم اسر ٥٠ مقاتل مسيحي و من بيناتهون
١٤ مسيحي سوري كانو عم يقاتلو مع مسيحيي لبنان للدفاع عن كنائسهم من البربر العربي السوري…
بيجيبو الاسرى لعند ابو فراس معلا و بيقولولو: سيدي هاودي الاسرى اللي كانو ما يحاربو مع هاللوطي موشيل عون ، شو منعمل فيهن؟؟
بساحة بعبدا و قدام حماة الديار قال ابو فراس كلمتو الشهيرة:
بكرة بيبكي بابا روما شوي قدّام سيادة الرئيس، بيقوم بيحن قلبو و بيطلعهن بمرسوم عفو، و بيرجعوا يقاتلونا مرة تانية..
صفّوهن عالحيط و اعدموهن…
٥٠ شب مسيحي ، تهمتهون انو كانو عم يدافعو عن مناطقهون ،بيتصفّو بلمح البصر و بيندفنو بحديقة كنيسة موجودة صوب قصر بعبدا.
كل هالسرد اللي سبق لقول كلمة وحدة بس لحلفاء الأسد من مسيحيي عون الدجال، و اهالي العساكر العلويين في سوريا:
مصيركون ما رح يكون افضل من اللي ماتوا بهداك اليوم من علويين و مسيحيين ، و رح يضحّي فيكون الأسد متل ما ضحّى بأهاليكون ، و رح تثبت المقولة المخابراتية اللي انتشرت في بداية الثورة مع شوية تعديل:
العلوي عالتابوت، و المسيحي عم يترحّم عايام بيروت..