فى حوار بالانجليزيه له مع اذاعه البى بى سى صرح المخرج رفيق رسمى رئيس لجنه الاعلام النوعى بحزب المصريين 
الاحرار
—
السيسى طلب سنتين علشان نشوف مشروعاته اللى ح ينفذها ، ويطور بيها مصر وينقلها الى مكانه تستحقها بين دول العالم المتحضر والمتقدم ، من اول سنه ح يبان الجديه فى التنفيذ والقدره على تحويل مخطط المشروعات التى على الورق الى واقع عملى ملموس يستفيد منه الجميع بلا استثناء البسيط والفقير والغنى كمان ، من اول سنه ح يبان ، وح يحس ويراقب ويشوف ويحاسبه الجميع ، احنا بطلنا ناكل من الكلام خلاص اتعلمنا ، مابقاش ينفع معانا ، لازم نشوف افعال ، ووقتها اما ح نصبر سنه واتنين كمان فوق اللى طلبه او نقول له كفايه كده ، الشعبيه لا تدوم لكنها فى ازدياد او نقصان ، حسب قدرته على تحقيق ما وعد به و تحسين معيشه المواطن المطحون المقهور ، ولو قدر فعلا ينفذ ولو 50 فى الميه من اللى وعد بيه بس يبقى بطل ، حقيقى
احنا انتخبناه رئيس علشان هو بطل طرد الغزاه ” الاخوان ” وخوفا من عودتهم ولو فى صوره احد اتباعهم ، لكن دا مش ح يعفيه من الحساب لتنفيذ ما وعد به
فامامه فرصه نادره لدخول التاريخ من اوسع ابوابه ، كبطل حقيقى ليس حمى مصر فقط بل ونقلها الى حيث وضعها التى تستحقه والا فليتعظ مما فعله الشعب مع من قبله
د. رفيق رسمى
