الحليف عم يشحد أي دور حتى لو غسل الصحون

F-22

من قبيل الاستفزاز ، صحيفة الوطن السورية عنونت اليوم على الصدر العاري لصفحاتها:
” جيش التحالف الدولي و الجيش العربي السوري في خندق واحد ضد قوى الإرهاب..”
صادف طباعة هالمانشيت اليوم مع ظهور التنسيق في أبهى صور التنسيق لعمليات التحالف الدولي مع النظام الاسدي..
فبرزت صورة العاهر الأكبر بشار الجعفري على مدرجات مجلس الامن ، و ليس من وراء الطاولة المستديرة اللي بتصنع و بتحيك كل سياسات العالم و في جلسة استثنائية مخصصة لمحاربة الإرهاب المتدفق على سوريا..
اوباما تزعّم الجلسة بحضور كل أوبة الأعضاء الدائمين ، مع كم شكيلة من باقي دول العالم لاكتمال النصاب..
المندوب النيجيري حكي عن سوريا ، و الحليف القوي بشار الجعفري و من على المدرجات عم يسمع عن بعد ..
المندوب الراوندي تكلّم عن سوريا، و الحليف الوحش بشار الجعفري من خلف السواتر عم يسجّل ملاحظات ..
الأرجنتين ، الأردن ، عمال معمل الكونسروة ، و لك كلهون قاعدين محترمين على كراسيهم ورا هالطاولة المستديرة عم يناقشو شأن سوري ، و ابو زوجة النمس و اللي من المفترض انو هالجلسة عم تحكي عن قضية بتخص بلدو ما كان قاعد مع شلّة الإنس و الجن على الطاولة علماً انّو حليف ، و لم يعطى حتّى الفرصة لابداء رأيو بشأن سوري من المفترض انو هوّة مندوبو..
يمكن كان أبدى لصحيفة الوطن ان تعنون صدر صفحاتها بهالمانشيت بدل عن حكاية الخندق اللي كتبتو :
” على طاولة المجلس جلس التحالف من دون الحليف..
الحليف اللي عم يشحد أي دور عالطاولة ، حتى لو دور غسل الصحون و الجلي والتنضيف..”