الحرية و الكرامة للجميع القصاص و المحاسبة من الجميع..

بكل مرّة كنت قول انّو هالجرذ فارس الشهابي ما بيستاهل الرد عليه، بس ما بشوف حالي الا فاتح الكومبيوتر و عم اكتب رد على سفاهتو..

اكتشفت اليوم انّو الاستفزاز اللي بيستنفر حالة الرد عندي مانها و الحمدالله نابعة من دوافع شخصية، فهالكائن بما يمثّل ما بيعنيني كشخص، و لكن الحالة اللي بيمثلها هيّة أكثر ما يستثير مشاعري..

يمكن الشهابي كان عندو الجرأة او السفاهة الكافية ليقول ما يعتمر في صدور كتير من الكائنات اشباهو، و لكن بسبب العنجهية الزايدة و درجة الأنا العالية و دناءة النفس الغير مسبوقة و اللي بيتمتع فيها هالمخلوق، جعل من نفسو ممثّل لأهل السنّة في حلب و الواقفين مع النظام و اللي مصالحهون و مكتسباتهون الشخصية الضيقة و اللي ما كانوا بيحلموا فيها لولا وجود هيك نظام بيشبههون ، ظروف فرضت عليهون الدفاع عن وجود الاسد ..

وصفني اليوم على صفحتو بالحشرة ، و يمكن في كتار من سنّة سوريا الوصوليين بيوصفوني بقلوبهون بنفس الوصف بس ما وصلت درجة قلة الأخلاق عندهون لكتابتها على رؤوس صفحاتهون..و بناءً عليه، ردي اليوم مانو على هالنتن فارس ، ردّي على كل من وصف شباب الثورة بالحشرات..

مين الحشرة يا قذر!!! اللي طالب بإبادة مدينتو أو اللي هرب من مدينة اتعرضّت للإبادة..
مين الحشرة يا نتن!!! اللي وظّف آلاف الشبيحة من زعران البلد لقتل الأبرياء ، او اللي طلع من مدينتو هرباً من شبيحة مدفوعين من أمثالك ..
مين الحشرة يا صرماية !!! اللي اتغنّى ببطولات الجيش اللي عم يرمي براميل، او اللي اختبأ بالملاجىء من حقد براميل أسيادك..
مين الحشرة يا سافل !!! اللي وصف بنات بلدو بالعاهرات ، او اللي حط حياتو على كفّو ليحمي شرف بنات مدينتو..
مين الحشرة يا زبالة !!! اللي دبك على صوت التراكسات اللي عم اتشيل جثث ولاد البلد، او اللي نقص من عمرو سنين و هوّة عم يحترق على شوفة هالمشهد..
مين الحشرة يا حثالة!!! أمّك اللي قدّمت عاهة لهالوطن، او ام غسان ياسين اللي قدّمت اربع شهداء فداء لنفس الوطن…
مين الحشرة يا واطي !!! اللي عم يطبّل لبطولات محتلي سوريا، او اللاجىء اللي هرب من ساطورهون..

و اللهي انت ضيعان فيك كلمة حشرة، فأنت و من تمثّل من سنّة وصوليين انتهازيين مرتزقة حديثي النعمة ، كتير عليكون وصفكون بالعلقات اللي وقفت على جسد وطن منهك دامي ، و مصيركون رح يكون في سوق السنّة مع البرادات و الغسالات المسروقة من اسيادكون قريباً ، و اللي رح ينفد منكون رح تكون مزبلة التاريخ بانتظارو..
حسابكون من الثورة ايها السنّة المطبّلين للبراميل، ما رح يكون اقل من حساب المسيحيين المزمّرين للكيماوي، و لا رح يقل ابداً ابداً عن العلويين راميين البراميل و قاذفي الكيماوي..

الحرية و الكرامة للجميع ، متل ما رح يكون القصاص و المحاسبة من الجميع..