Salwa Zakzak
البالة صديقتي الصدوق..كتير ناس بيطلبوا مني اشتريللن منها بحكم الخبرة..تنقاية ومفاصلة..
من شي عشر سنين فقنا عخبر متل هلق وختموا كم محل بالة بالشمع الاحمر..ورجعت البالة واحتفلنا وقلنا غيمة وزالت وبعدها صارت الأسعار اعلى..
استيراد البالة ممنوع وكلها بتجي تهريب وكلو بحقو..وفرز البالة ألو ناسو وبدو خبرة وللعلم النخب الاول للبالة يعني التوب..اسمو كريمة..يعني الزبدة و هو اسم عالمي بكل بلدان العالم. ونحنا رضيانين بتلزيقة الطنجرة ومنكره الكريمة اصلا.
المهم تترخص البالة مشان مايضل سوقها تحت رحمة القرارات الفوضوية والاعتباطية ويلي الله اعلم شو سببها الحالي..والأهم ليلي خايف عالصناعة الوطنية وتسويقها بمواجهة غزو البالة..يايرفع الرواتب حتى الناس تقدر تشتري جوز جرابات يا يخففوا ضرايب عالصناعيين..
والأهم انو ولا بسطة تياب معفشة تصادرت والناس تروح تدور عتيابها او تشوفها بوجهها وكلو شايف وساكت ويمكن شمتان..اما البالة فالعياذ بالله..اصلا انتو ناس بتحبو كلشي غريب واجنبي..لبسوا من تياب بعض ولو تعفيش مشان انصهار اللحمة الوطنية ببعضها البعض وتلاقح الثقافات الوطنية…لكن يا عمي..انتو دايما بتغيب عنكن المعرفة والوعي العميق…
