عند أبو علي بيّاع القهوة بحارة بيت أهلي باللادقية ، وصلت لاشتري كاسة قهوة هوّة بيسمّيها كابوتشينو..
ماسك موبايلو و ملتهي عم يتفرّج على شي، و من دخلتي لعندو قلّي منيح اللي جيت يا ابو الزوز بدّي أسألك عن هالفيديو..
عطاني الموبايل و قلّي اتفرّج..
صبية محجبة بمليونية ” عفوية” بمدينة اللادقية باحح صوتها من الجعير، و شارّة ريالتها و هيّة عم تصرخ :
الله سوريا بشار و بس..
و الله محيي الجيج ، الله محيي الجيج ..
قلتلو ايه شو يعني يا أبو علي ، الصبيّة بتحبّوا الله يهنّيها فيه..
– ما بتعرفها لهالبنت يا ابو الزوز؟؟؟
-للأمانة وجها مو غريب يا ابو علي بس ما عرفتها..
– ولك ابو الزوز هيدي سمر الصيدلانية بمشروع الزراعة ، بس بعرفها ما محجبة ، شو ايمات حطت الاشارب؟؟؟
– ما حطتّو خي ابو علي، بس الاشارب من الاكسسوارات الضرورية بالمسيرات العفوية ، العفو منّك منشان الفسيفساء..
صب قهوة خي ابو علي صب..
