اعتبار المليون سوري اللي استشهدوا ماتوا من الضحك على هالنكتة

اشتهر الشعب المصري عبر التاريخ بروح النكتة و خفة الدم اللي بتطلع من دون تفكير او قرار ، و شهرتو نابعة من العفوية و التلقائية بردود الأفعال المهضومة على اي كلمة او فعل و لو كان بحجم مصيبة ..
بس هاد كلو كان زمان..
من اربع سنين ، و الشعب المصري فقد كل روح الفكاهة ، و صار مع الأسف من اغلظ الشعوب العربية بإلقاء النكتة سواء كانت بيضا او سودا..
و لكن باتضّل نكتة اليوم هي اسخف ما تفوّه فيه المصريين من خمس سنين الى اليوم..
براءة حسني مبارك من كل القضايا الموجهة اليه..
بعد ما شفت مبارك عم يتحضّر للخروج من الزنزانة ، مع ابقاء مرسي بالسجن السياسي من دون إلقاء اي تهمة جنائية ، و بعد سماعي لصوت مبارك المقزّز على احد الفضائيات عم يشكر القضاء المصري النزيه ، فاسمحولي و من شدّة حالة الاستفزاز و القرف اللي صابتني انو وجّه رسالة الى ثوار الغوطة و درعا ..
اخواني
أنتو أقرب جغرافياً من غيركم من السوريين المتربصين بالإمساك برقبة بشار..
اوعاكون تكونوا إنسانيين و تقولو حرام ..
اياكم تتحرّك فيكون روح العدالة بلحظة دوسكم على بطن الاسد ، و تقولوا رح انسلموا للمحكمة و القضاء بيشوف شغلو..
لو ما بقي بمخزن مسدسكم الا رصاصة وحدة ، أفرغوها براس الاسد و اخلصو منّو ، لانّو سيسي سوريا القادم رح يطالعو براءة في لحظة خفّة دم ، و رح يطلع القضاء السوري العادل و يعلن براءة الاسد من كل التهم الموجهة و اعتبار انو المليون سوري اللي استشهدوا ، كلهون ماتوا من الضحك على هالنكتة ..
اقتلو الاسد ، بعدين احكوا نكت أد ما بدكون ..
بس قبل فيلم الكوميديا ، فرجونا فيلم رعب الله يرضى عليكون..