الشيخ أحمد شلاش
تلقيت إتصال عتاب البارحة من أحد الأصدقاء يلومني على تهوري بالحمل الثقيل الذي قمت به عندما حملت اسطوانتي الغاز خشية على صحتي ، فحل الصمت لدقيقة و عدت بالذاكرة إلى سنة ال 93 و بدأت لصديقي بالسرد :
بعد انتهائي من دراسة كورس “غوص سكوبا” لدورة مرشد غوص
” Dive Master”
و لازم خلص مشروع التخرج بحلقة بحث ميدانية مع ضفادع الجيش السوري في مدينة طرطوس الساحلية .. و على شاطئ من شواطئ طرطوس الحبيبة كنت أتابع تدريبات الشباب عن كثب صاح لي أحد الضباط و قال :
” شو رأيك أبو حميد بأداء الأبطال هدول ؟!”
قلتلو : هات إسطوانتين أوكسجين مضغوطتين بسعة 46 ليتر لكل وحدة سيدي ” .
قلت له : “سيدي شغل هالزورق و اسبقني على “أرواد”
ضحك الضابط و قال :”شو ناوي تعمل ما بعرف .. بس أكيد في شي إستثنائي رح تساويه”
شغل الضابط الزورق المطاطي و شد على أرواد بسرعة نمطية إعتيادية”
لبست بدلة الغوص المطاطية التي أبرزت تضاريس جسدي الرشيق آنذاك .. ثبتت الإسطوانتين عضهري يلي زاد وزنن عن 120 كغ و شكيت بالمي بدون ما ألبس قلنسوة الحماية حتى و بلشت اسبح بسرعة 7 عقد بحرية .. يعني حوالي 12.95 كم بالساعة .. و سحبت على أرواد من تحت المي و لما وصل الضابط “بسام المحمد” الله يذكرو بالخير على شط أرواد لقاني مشغل سيكارة و ناطرو …
بهداك الوقت أجى عالم فيزياء لبناني إسمه
” شربل عطا الله ” كتب مقالة بصحيفة ” العناقيد” المحلية عن شخص إستطاع السباحة تحت الماء بسرعة 1/4 من سرعة القارب المطاطي الحربي الأميركي
RHIB
يلي بتبلغ سرعتو القصوى 46 عقدة و أشار وقتا أنه إذا أخذنا بعين الإعتبار
ال 120 كغ المحمولة على الظهر و سرعة القارب النمطية يلي هي 36 عقدة .. فإن الغطاس
أحمد شلاش قادر على اللحاق بشكل تقريبي بالقارب سباحة حرة واصفاً إياه بالدلفين الأبيض .
سكت صديقي لحوالي 20 ثانية و قال : “أبو حميد بدي اطلع طابق تالت بالفيلا شو رأيك توفر عليي آجار رافعات و تجي اتطلعلي ألفين بلوكة بكرا الصبحيات بتخلصن و منتغدا ؟!
ضحكت بغشاوة و قلت له : أبشر .. نحن جماعة البرغل و العدس بحامض مو جماعة البان كيك و الكورن فليكس .
الشيخ أحمد شلاش .