اسياد الحرب فيها شروى قداستكن بيموت الشعب وما بيحلوها

بدون مقدمات :
يعني اشمعنا نحن الي لازم كل سنة بهاليوم نكرر : تذكر يا انسان انك من التراب والى التراب تعود ..
يعني رؤساء كنيستنا اللابسي الظفر النازلين من العرش السماوي المبجلين ، غبطتكن ليش متخيلين انكن : الى الابد؟ او متخيلين انه نحن رايحين عالتراب اما انتو اختطاف ؟
لشو مشربكين الناس متل قطارين الانفاق الماشين ورا بعض والاتنين فاضين ؟
لشو صيامين و شعنينتين و صلبين و نشربك الاسلام معنا على : المسيح قام ، لا .. الاسبوع الجاي ليقوم ؟
وكل بطرك بيلحش القصة عغيره ،معليش تخبرونا عند مين معصلجة القصة ؟ 10 سنين واحدكن “ماكسيموم” و بيطلع يواجه المصلوب ، بزمتكن الكن عين تشوفوه ؟
مني وعليي لا رح صوم و لا رح فوت كنيسة لاني خلقة الله بكره الطقوس فكيف وهن طقسين .. ومسيحي الي بعرفه ابسط و اطهر من كل طقوسكن و كراسيكن و قوانينكن .
صوم مبارك للي بلشوا صوم ..
وبالنسبة لسوريا الها صايمة و مصلوبة 5 سنين وناطرة وناطرين معها القيامة و اسياد الحرب فيها شروى قداستكن بيموت الشعب وما بيحلوها .