كمية رسائل الهجاء اللي اجتني مبارح من مؤيدي الشيخ معاذ بعد انتقادي اللطيف له (للتفاصيل هنا: عنجد كفى يا شيخ معاذ ضحك على هالبشر.. ) تكاد تتجاوز حدود التشبيح الأسدي اللي تمسح جلدي عليه..
من الآخر ، و لحتى نسكّر على موضوع الشيخ معاذ و غيرو من رجال الدين..
أيها الشيخ الجليل .. أيها المطران المحترم ..يا رجال الدين الأفاضل..
ضَل على منبرك داخل جامعك او كنيستك ، و بوعدك ما تشوف مني الا كل الاحترام و التقدير..
أمّا اذا بدّك تكون رجل دين و تنزل الى زواريب السياسة الضيقة من محراب الجامع او من مدخل الكنيسة بنفس الوقت ، رح يكون الرد عليك سياسي بعيداً عن تقديري للشلحة اللي على كتفك او احترامي للقلنسوة اللي على راسك ، و غالباً الرد ما رح يعجبك و لا رح يعجب اتباعك و مريديك..
استبينا عمّي الشيخ !!!!!!!!
