اتصل فيها من رقم زوجها وقلها :
انا اللي رمّلتك و يتمتلك اولادك .. وبعدها صار يلعب باعصابها بين انه قتلوه او لا
بتمنى اذا حدا بيعرف اي شي عن الياس عطية حفيان اختفى بحلب ، خان طومان بحزيران ما يتردد انه يساعد عيلته .
……………
كيفك انا اسمي هبا من وادي النصارى من ضيعة عين لغارة انا جوزي عسكري اخدو ع حلب ع منطقة خان طومان بتاريخ 3حزيران اجاني اتصال من رقم زوجي حكى معي واحد من جبهة النصرة اول شي سالتو قلي اي هبا اجيت قلتلو اي لياس قلي انا مو لياس راح شوي مع رفقاتنا وهلا بيرجع جاوبي ع اسالتي وبخلي يحكي معك صار يسالني شو بقرب لياس وشو ديانتي قلي انتي علوية ثنية قلتلو انا مسيحية قلي عندكن ولاد قلتلو عندي بنتين قلي شو بتعرفي عن جبهة النصرة قلتلو مابعرف شي خليني احكي مع زوجي قلي شو بعرفي عن بشار الاسد قلتلو مابعرف شي خليني احكي مع زوجي قلتلو طيب انت مين قلي انا من جبهة النصرة انا يلي رملتك ويتمتلك ولادك
بعد اربع ايام حكاني عالواتس اب من رقمو وقلي مابدك تعرفي شو مصير زوجك الياس قلتلو شو قلي بعتيلي صورتو قلتلو مافي صور غير يلي بتلفونو قلي يا اختي الله يرضى عليكي زوجك ومامعك صورة لالو بتلفونو مافي صور اجيت قلتلو بعتل صور وانا بدلك ع زوجي قلي انا بدي اقارن بين الصور يلي للاسرى او لجثث وانا ما بعتلو صورة ومن وقتا ماعد حكى معنا
