ابن قرية هيت الشاب الدرزي اللي تحول بيته لمزار اللي انتشرت فيديوهاته و صوره عم يتفتح جسمه دم و جروحات بخاصرته و صدره وايديه و رجليه عأساس هي جروحات المسيح .
معقول مافي حدا يشغل مخه ؟ معقول مافي حدا بسوريا عنده حكمة ربنا للتمييز بين الارواح ؟
اذا كان المسيح اله السلام و المحبة بس يظهر عحدا بيوجعه و بيصرعه بالارض و بيفتح جسمه لينزل منه دم .. الشيطان كيف بتكون ظهوراته؟
المعجزات بتصير لشفاء مرضى ، لاظهار مجد الله ، لخلاص نفوس .. مو استعراض !!! وحدة بينزل عليها بودرة و الثانية بتغيب عن الوعي و بيصيبها صرع براسها و بيشر الدم منها و هلق هاد المسكين .. ورح تكمل اعاجيب الهبل و الشيطان و عم تكملوا متل العبيد المسلوبي العقل و الإرادة تركضوا لتتباركوا و تدخلوا عبيوتكن زيت و دم و صور ما بتعرفوا مصدرها و تصلولها و تركعولها و تسلموها حياتكن واولادكن و آلامكن وانتو عميان مغيبين عم تجييوا عحالكن لعنات و امراض .
ما عندكن انجيل بالبيت ؟ ما قال المسيح : سيقولون لكم هو المسيح هنا او ها هو ظهر هناك فلااااااا تصدقوا .
اذا المسيح قال لا تصدقوا و اهربوا .. انتو لوين عم تركضوا ؟
اذا كانت كفارة الخطايا تقدمت بدم الحمل قبل 2000 سنة .. لشو بده يرجع ينزل منكن دم يا مُغيّبين ؟؟؟
الدرزي ما بينلام ولا عم يفهم شو عم يصير معه بس انتو يا مسيحيين يا رجال الكنيسة كمان مابتعرفوا شو عم يصير ؟ كلكن بعتوا انفسكن للشيطان لحتى فقدتوا القدرة على التمييز ؟
تركتوا ينبوع الماء الحي و رحتوا تشربوا من السياقات و الحفر فبدكن تتحملوا الاوبئة اللي بتجيكن منها جسدياً و روحياً
و اللعنة على كل لابس الثوب و ما بيوصلكن الكلمة الحق ….. نزكي لكم ايضاً قراءة: فيما يخص ظهور المسيح في السويداء
#عميان_يقودون_عميان .
ابن قرية هيت الشاب الدرزي اللي تحول بيته لمزار
