Bassam Yousef
هلأ اذا فات النظام ع الغوطة وبعدها دمر إدلب ودرعا وبعدها طرد الروس و الايرانيين الامريكان والأتراك والإسرائيليين والافغان والشيشان والعراقيين ….وكل واحد غير سوري من سوريا بيمشي حالنا …؟.
يعني مابيعود بدنا كرامة ولا حرية، ومابيعود عنا جميل حسن وعلي مملوك وسجون وسرقة وقتل تحت التعذيب، وما منحتاج دولة تعمل مدارس وجامعات متل العالم والخلق، وبيبطل رامي مخلوف وشبيحة بيت الاسد يسرقوا سوريا ويعفسوا بكرامة البشر ؟؟؟؟.
مابيصير بدنا قانون عادل وما منحتاج كهرباء بلا تقنين وشوارع ومشافي بدل المسالخ، ومامنعود منحتاج اعلام وصحف ومجلات وقنوات محايدة ومهنية ؟؟؟؟.
وبيختفوا الشبيحة من حياتنا وبيبطل عناصر المخابرات والمدعومين يهددونا إنو اعرف مع مين تحكي ولا…..؟؟؟.
وبيصير اللي بدو يعمل مشروع ما مضطر يشارك حدا مدعوم احسن ما يشفطولو كل شي ؟؟؟؟ .
بيصير عنا برلمان مو زريبة غنم …. وبيصير عنا أحزاب بدل من حزب البعث قائد الدولة والمجتمع… وبيصير عنا المواطن- اي مواطن- قادر يرفع دعوى على سليمان الأسد اذا فعسوا سليمان الخرا لانو ماعطاه طريق؟؟؟؟.
بيصير فينا نعرف مصير مية الف سوري مفقودين ، وبيدلونا جماعة المخابرات والشبيحة على المقابر الجماعية اللي ما حدا بيعرف وينها ولا عدد المدفونين فيها ؟؟؟؟.
وبيصير …. وبيصير….. وبيصير…؟؟.
إذا كان في ألف سبب لنثور ضد عصابة بيت الأسد فهلق صاروا مليون سبب ….