أيمن رمزي
” أنجولا مش معترفة بالإسلام كدين وبالتالى مش هتسمح بدور عبادة للمسلمين..
زعلان ليه انت؟ طب ما انت مش معترف بالشيعة ولا البهائيين ومش بتسمحلهم يبنوا دور عبادة! دا انت حتى المسيحيين بتضيق عليهم فى التصاريح ولو صلوا فى بيت حد عشان مش عارفين يبنوا كنيسة بتهده على دماغهم!
دا انت مش طايق الشيعة اللى هما يعتبروا فرقة من الإسلام وقتلت شيخ منهم ومثلت بجثته! أنا مش فاهمة وجه اعتراضك؟ ليه شايف نفسك مضطهد! دول بس بيعملوا زى ما انت بتعمل بالظبط.. زى ما انت بتقول انك معترف بالديانات السماوية بس- وأساسا كل ديانة هى سماوية عند أهلها بس انت اللى عامل فيها عبده العبيط – دا انت اللى معندوش دين خالص بالنسبة لك مش موجود.. هوا! مالوش أى حقوق!
أنا أفهم انك تبقى فاشى مع اللى مش شبهك.. بتحصل، فى بشر فاشيين.. لكن ما أفهمش انك تبقى حاسس بالإضطهاد لما تتعامل بالمثل! خلّى روحك رياضية كده، انت بتاخد على قد ما بتدى يا برنس!
..
وآه عشان الوسطى الكيوت اللى هيقول ان مش دا الإسلام وانه ما يتحاسبش بذنب المتطرفين، لما تبقى دى دماغ أغلبية المسلمين، ولما حوادث اضطهاد الأقليات تبقى عادية ومتكررة، لما حسن شحاتة يتسحل ويتقتل ويتمثل بيه، وتبقى معظم التعليقات بتدور ما بين التهليل لقتله، أو الصمت المتواطئ، لما حامد عبد الصمد يتخطف، ولما اسماعيل يتهدد بالقتل، ولما الكنايس تتهد على دماغ اصحابها بدعوى عدم الترخيص، يبقى ولا يفرق معايا ببصلة ايه الأفكار الملائكية اللى جوة دماغ حضرتك، طلما لا تترجم على أرض الواقع.. وطالما الجهاد هو ذروة السنام فى قرارة نفس كل مسلم، أيا كان التعريف اللى كل واحد فيهم شايفه لهذا “الجهاد”.. وطالما بن لادن هو السوبر هيرو بتاع معظمكم!”
منقول من الصديقة الراقية
Heba Khattab
بوست من ٢٥نوفمبر٢٠١٣
ولا يزال عقابي ماديا، واجتماعيا، ومسلوب الحقوق الوظيفية وبشكل متواصل لمدة ٣سنين من المسئولين في “دولة مصر”، لأنني ناديت في برامج إعلامية بأن الإنسان أهم من العقائد التي تتصارع. ومش عايز حد يقوللي “دينا أو معتقدنا” مش بيرفض المختلف، المسئولون أثبتوا بأفعالهم ان هذه أديان إرهابية.
#اديني_عقلك