منزل الدوقة عبير جميل الأسد في لندن
ما كان في غير صوتو لهالطفل طالع بمطعم الاكسبرس باللادقية .. و آمّو مو فارقة معها حجم الإزعاج اللي عم يسببوا ابنها بعد ما تاركتو لجيش الفيليبينيات المرافق لمعاليه..
سألني صديقي ، باين هالولد ابن شي ممانع كبير بالبلد ، بتعرف اهلو؟؟؟
ضحكت و جاوبتو : هاد الولد بيكون حفيد جميل الاسد من جهة أمّو عبير ، و حفيد غازي كنعان من جهة والدو يعرب.. يعني الله وكيلك طفل رضعان المقاومة و الممانعة من صدر آمّو..
انتحر غازي كنعان بتلات رصاصات براسو، و فطس جميل الاسد ، و قامت الثورة السورية ..
تلات أسباب بتخلِّي هالعيلة الممانعة تغادر ارض الوطن في أيلول ٢٠١٢ ، و تبحث عن ملاذ آمن يمارسوا فيه مقاومتهون لاكل وجبات ماكدونالد الإمبريالية و الممنوعة في سوريا.. و المحطة كالعادة كانت دبي..
و بسبب انشغال يعرب بهموم الوطن و المواطن ، شافت حالها عبّورة باغلب أوقاتها في دبي اما في صالونات تصفيف الشعر عم تناقش خطة دي مستورا، او في مراكز المسّاجات عم تبحث الممرات الانسانية ..
و بأوقات فراغها و بعيدا عن السياسة و هموم اللاجئين ، شافت المسكينة شوية وقت لحياتها العاطفية بعيداً عن ترف الحب اللي عايشتوا مع زوجها ، و التقت فيسبوكياً بأحد شعراء اليمن الاستاذ راجي الناجي ، و دارت بيناتهون علاقة حب فيسبوكية صارخة حارقة خارقة متفجرة ، ألهبت مشاعير و باطنية الشاعر اليمني وأخرجت منّو عصارة موهبتو الشعرية ، و غير صغيرتي ما كان يقلها لهالختيارة ..
و في مكان اخر ، طيّرت النوم من عيون سيدة المقاومة الاولى في دبي، و صار المعلم راجي كل حياتها ..
ساعات من المحادثات الخاصة و الحب العذري و الأنيسي دارت هالكم شهر الماضين على التشات الخاص بينهون ، و اللي اعتقدوا حالهون فيه طيور الحب انهون بمكان بعيد عن مترصدّي حركات و تصرفات بيت الاسد..
نصيحة من ابو الزوز ليعرب كنعان…
لا تخلّي مرتك عبير تروح على لندن اخر الشهر الحالي ، روحتها مو منشان شوبينغ متل ما قالتلك ، البنت عندها أمسية شعرية مع المعلم راجي، اُمسية رح يستمروا بإلقاء أبيات شعرها للصباح اللندني الباكر..
مواضيع ذات صلة: ابناء الطائفة العلوية \ ابناء هالعيلة: الدوقّة عبير جميل الاسد
