أفي متلو للغالي ..

أفي متلو للغالي ..
في طريق البحث عن حل في سوريا ، بتحكي مع الأجنباوي ، بيقلّك مين البديل ماي فريند؟؟؟ ..
بتسأل أبو عرب ، بيجاوبك باستهزاء : مين البديل يا ابن الحلال ..
بتروح لعند المنحبكجي باحثاً عن الحل ، بيفاجأك أنّو أفي متلو لرئيسنا الغالي ..
أفي متلو!!!!!
ولك يا جماعة..
عندنا بسوريا لا يقل عن عشرة آلاف شب فوق الأربعين ، كلهون دكاترة عيون ماشالله عليهون و دارسين بأوروبا و عيونهون زرق و سنانهون فرء، و متزوجين صبايا حلوين سناكيح بيحكو إنكليزي و زوءهون حلو بالتياب، لحتّى يكونوا بديل للأسد اذا هيك المواصفات المطلوبة لتصير رئيس سوريا ..
بس بتعرفوا شو!!!
عالاغلب مو بس هيدي المواصفات المطلوب توافرها دوليا و عربياً و علوياً حتى تصبح رئيس الجمهورية العربية السورية…
بيضل في مشكلة وحدة ما عم يقدروا يشوفوها اخواننا و اصدقاءنا و شركاءنا لإيجاد الحل في سوريا..
انّو من بين هالعشرة آلاف دكتور عيون سوري أربعيني، ما في و لا واحد أبن عاهرة كالأسد ..