يا حزركون مين رح يتشارك مع أبو البيش رئاسة قصر الشعب بفترة الحكم الإنتقالي ..؟؟!

يا حزركون مين رح يتشارك مع أبو البيش رئاسة قصر الشعب بفترة الحكم الإنتقالي ..؟؟!
على اساس انون قرروا يحاربوا الإرهاب ويعمروا #سوريه ويهدونا دستور جديد ..!
بتعرفوا إني ضحكت كتير لما تخيلت السيناريو ..!
تصورت بيشو وجنبه يا أما أنس العبدة ، يا أما عمو رياض حجاب ، ومعينين اللواء محمد علوش العلاليش القائد العسكري للفرقة الرابعة والحرس الجمهوري ، حاكم بيلبقله لابو حميد ياخد منصب ماهر الأسد من نفس الطينة وعنده معتقلات مشهورة عامرة ما شاء الله بولادنا ورجال الجيش الحر ..!!!!
لا حدا يقول مها عم تهلوس ..!
الهلوسات اللي دايرة بالمعارضة بعد مرستان الاساتانه ، والتطورات الغزلية بين أبو ضرابة السخن الجعفري والوفد الميمون مو طبيعية ..!
أكبر هلوسة دايرة وقت بتلاقيهون مصدقين إنه بشار بيك رح يقبل بفترة حكم انتقالية وبالاخر يسلم ويرحل ..!
ومصدقين انون رح يقدروا يسيطروا عالاوضاع عسكريا ويفرضوا الأمن والقانون ..!

شو بدنا بالحكي ..!
عالم بدا تعييييييييييييشششش على عيش يا كديش وسلام يا شآم ..!!

About مها البوطي

حصلت على الثانوية الأمريكية في ولاية بنسلفانيا بعدها دخلت الجامعة لدراسة العلوم الطبية بعد سنتين غيرت مجال دراستي إلى دراسة الأمن الجنائي في ولاية نيو هامبشر أكملت في ولاية فلوريدا وتخرجت وعملت في مكتب المدعي العام في مدينة فورت بيرس حتى العام 2002 عدت بعدها إلى سوريه أول دراستي المدرسية انقسمت بين سوريه والسعودية حتى المرحلة الثانوية تخللها دراستي في مصر لتعلم اللغة الانجليزية في معهد اوكسفورد والجامعة الأمريكية قبل نهاية دراستي الثانوية التي اكملتها في الولايات المتحدة الأمريكية
This entry was posted in الأدب والفن, ربيع سوريا, كاريكاتور. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.