ما بيفتح أزرار قميصو قدّام الناس ليخفي اثار التعذيب

بعد طلعة روح ، وبعد الف ندر خلق جورج..article-2544711-1AE6D9E100000578-337_634x476
مع كل سنة يكبر فيها، ينقص من عمر ام جورج وأبو جورج عشر سنين..
– شو بدك اتصير يا جورج بس تكبر؟؟
– بدّي صير محامي دافع عن المظلومين..

كبر ابو جريج و اتخرّج محامي أد الدنيا، و اتزوّج و الله رزقو ولاد و صحة، و خير كتير، و سمعة متل الدهب..
في نهاية السبعينات ، كان أنور السادات اجرء من باقي جنرالات العرب و وقّع معاهدة كامب ديفيد و اتصالح مع اسرائيل بالعلن على عكس باقي الجنرالات اللي وقّعوا هالمعاهدة بالسر..
في جلسة مع أصدقاءو في مكتبو، قال جورج المحامي الشاطر تلات كلمات : و الله هالسادات رجّال..
اختفى المحامي جورج خمس سنين بعدها، ما حدا يعرف وين أراضيه ، و بأي سجن موجود، و لا حدا قدر يتدّخل بهالموضوع على أساس انو جورج مس الشعور القومي و أهان عزيمة الأمة..
خمس سنين ما تركوا اهلو حدا ما سألوه عن ابنهون و النتيجة دائماً ما في جواب..
بعد خمس سنين ، سمع ابو جورج انّو حافظ الاسد جاية على جامع الشيخضاهر باللادقية في احد المناسبات الدينية..
قرر يروح و يوصل لعندو و لو كلّفتو هالشجاعة حياتو..
بيركض على حافظ الاسد و بيركع قدّامو و بيقلّو : دخيلك يا سيادة الرئيس ، ابني وحيدي هيك قصتو..
الغريب بالموضوع كان جواب حافظ الاسد لما قلّو لابو جورج : السادات رجّال يا ابو جورج ، يعني انا لأ !!!!! روح على بيتك و بكرة بيكون ابنك عندك..
و فعلاً تاني يوم بيكون جورج ببيت اهلو مرة تانية ، و لتاريخ كتابة هالبوست ما زال الاستاذ المحامي جورج ما بيفتح أزرار قميصو قدّام الناس ليخفي اثار التعذيب اللي مالية جسمو..
سؤالي للأستاذ المحامي جورج :
يا أستاذ جورج : فيك اتفهمني ليش ابنك فراس بدرة شبّيح على الرغم من كلشي صابك من هالنظام بحياتك ؟؟؟؟؟؟؟؟؟؟؟؟؟؟؟؟؟؟؟؟؟؟؟

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in ربيع سوريا, فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.