قصة و حكمة من زياد الصوفي.. 4

القصة:

أبو باسل صرخلا صوت لمرتو، أنا داخل نام ما بدي ابن مرة يزعجني، فهماني؟؟؟

قرد ولشو معصب؟؟ انقبر نام حدا حايشك؟؟

بنص نومتو بيفيق عصوت دبابات أخوه أبو دريد بنص الشام، و صوت أم باسل: أيلة أيلة..ولك فيق،كنتي أم دريد عاملة انقلاب و بدها تعمل سيدة أولى..

ولك يلعن اللي ربط الكر و فلتك!! ما قلتلك أبتفيقيني؟؟

ضاجت الضيعة و انقسمو بين مؤيد لأم باسل و مؤيد

لأم دريد، و الشاطر بدو يشد مع هي و الابضاي بدو يدعم التانية لحد ما وصل الدم للركب..

اتصلت بعد بيومين أم سيف الإسلام الخضرا بإم دريد و قالتلها: ولك شو بدك بهالعلقة هلأ ببعتلك كم جزدان و فستان جداد و بلالك كل قصة السيدة الأولى..

والله أم دريد سمعت كلامها لأم سيف و اتصلت بإم باسل و اعتذرت منها و قالتلها أنا ماشية يا عيني سلميلي عالشباب..

الحكمة:

ما تتركو حوادث القرداحة تغشكون، الكلب ما بحياتو عض دنبو..زياد الصوفي – مفكر حر؟