“سوريا الأسد ” ، ولا سوريا ال23مليون سوري.؟؟.

Bassam Yousef
 لو فصل “النظام” الرياضة عن القصر الجمهوري ، والدين عن القصر، والثقافة ، والقضاء، والتعليم ، والموسيقى، و…و…
ماكنا هلا فايتين بمعركة التخوينات، ولاكنا تهجرنا، ولا كنا خسرنا مليون سوري، ولاكنا صرنا تحت الاحتلال ولا كنا ..ولا كنا …
اللي وقفوا ضد منتخب ” سوريا” بكرة القدم، ماوقفوا هيك لأنهن مو سوريين، ولا لأنهن مابيحبوا سوريا، ولا لأنهن خونة.
وقفوا هيك لأنهن سوريين كتييييير، ولأنهن بيحبوا سوريا كتييييير، ولأنهن مخلصين لسوريا….. المشكلة بس لازم نحدد عن أي سوريا عم نحكي.
“سوريا الأسد ” ، ولا سوريا ال23مليون سوري.؟؟.
………..
بدك اسم سوريا يكون بالمحافل الدولية ياصاحبي ؟؟.
وانا متلك تماما بس انا مابدي ياه بالفوتبول وبس.
بدي يكون اسم سوريا يرتبط بقضاء عادل ونزيه.
بدي اسم سوريا يرتبط بالعلم والتكنولوجيا.
بدي اسم سوريا يرتبط بالحريات والديمقراطيه.
بدي اسم سوريا يرتبط بالقوه يلي بتدافع عن ارضها مو بالعكس.
بدي اسم سوريا يرتبط بجواز سفر يفتحلي كل حدود العالم.
بدي اسم سوريا يرتبط باقتصاد قوي ترجع مكاسبو للشعب.
مليت من اسم سوريا الاسد، وسوريا الصمود، وسوريا التصدي.
مليت من المتاجره باسم وطن انا وانت مهجرين منو.
اسم سوريا ماحيشرفك لو صار بكاس العالم.
اسمها بيشرفك بس لما تكون دوله سياده شعبيه مو سياده اسديه.
من صفحة: “نصر عبدالجليل”.

This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.