رسالة الى احبائي :
بعيدكن بحب خبركن انه الحرب شارفت على الانتهاء ..
اولادكن بخير ما حدا تاجر فيهن و لا حدا منهن اضطر يترك مدرسته ليعيش اخواته من بعدكن .. زوجاتكن بخير ماحدا ذلهن كرمال تعويضكن .. اخواتكن بخير جابوا شهادة استشهادكن بسرعة و توظفوا و آخر احترام .
اما عن اللي استشهدتوا كرماله فكمان بخير ..رمموا الجوامع لحتى اولادكن يطلعوا بيعرفوا ربهن مو متل جيلكن فاسق ، و القبيسيات شخصياً رح يعلموا نسوانكن الاخلاق و يغطوا السافرات الكافرات من بناتكن ، و بالمناهج الدراسية رح يحضّروا اولادكن ليسيروا عخطاكن و يستشهدوا .
من الاخر لا تشيلوا هم الاجيال القادمة مابقا تروح تحط تكاليف للحج صارت السعودية عنا .
كل شي بخير و عيدكن بيحتفلوا فيه كبار المسؤولين و اولادهن ما عم يناموا الليل بفرنسا و بريطانيا و حالفين يمين يحتفلوا باستشهادكن و باستشهاد اولادكن من بعدهن .
نحن اخر رواق بفضل تضحياتكن اللي ما راحت ضيعان ، انتو بخير ؟
