الواحد ما بحس حاله كلب إلا في بلده ..

Naeem Hilany
  
كلب متشرد وهو عم يتنقل من حاوية لحاوية..ماشاف حالو غير صار بالمرفأ نط على باخرة..وبلش يشمشم فيها وفجأة تحركت الباخرة ومالحق ينزل منها وبعد أيام وصلت الباخرة على بلد اوروبي
.
المهم لما نزل الكلب من الباخرة ..!!
لاقيته صبية من هالبلد ____________
اخذته وعملتلو فحوصات طبية شاملةحممته..لبسته..طعميته..تبنيته..غنجته وصار كلب محترم ..
..
بعد كم سنة اشتاق الكلب لبلده
ركب بالباخرة .. ولما وصل على المرفأ ..!!
نزل يدور على اهله واصحابه بالحاويات هيك لحتى ألتقوا
المهم قعد الكلب بين جماعته بغرور وفوقية وصار يحكيلهم عن الغرب والقانون والنظام والحضارة والتكنولوجيا والتطور العلمي
وختم احاديثه بالقول !!
ياجماعة صحيح انه الحياة بهيك دول مغريّة
بس بصراحة !!
الواحد ما بحس حاله كلب إلا في بلده ..