اللهم اصلح اهل مصر ان اغلبهم لايعلمون

jawadaswadرسالة الى المصريين
اولا : انا مش من الاخوان علشان يبقى كلامنا واضح من البداية
وثانيا : انا سوري مش فلسطيني برضه علشان ما حدش يقول انا من حماس
تعالوا نرجع مع بعض 45 سنة و نشوف لما استلم السادات عملتوه ايه بسيرة عبد الناصر ؟؟
كان ناصر الرئيس الخالد بعد ما استلم السادات بقى السادات الرئيس المؤمن وناصر بتاع الشيوعية
اذكر الى الان ما قاله توفيق الحكيم في كتابه عودة الوعي ان ناصر خدم اسرائيل ولازم اسرائيل تعمل له تمثال في تل ابيب ..!!!!!!
تأميم القناة اعتبر مؤامرة لانه كان الامتياز راح ينتهي بعد 11 سنة مافيش داع لحرب 56
السد العالي كان له تأثير على الزراعه ومنع الطمي فكان كارثة
الاصلاح الزراعي كان غلط فتت ملكية الاراضي الزراعية وكان وبالا على مصر
ناصر هو بطل هزيمة 67 و هو بتاع المخابرات و صلاح نصر
انقلبتوا على ناصر مرة واحدة ونسيتوا انكم عملتوا منه قبل كده الهرم الرابع
جاء السادات الرئيس المؤمن و اكمل ما بدأه ناصر بخصوص تدعيم الجيش وكانت حرب 73 والعبور وبقى السادات هو بطل العبور و السلام وراح اسرائيل وعمل كامب ديفيد وهنا كان الشرخ الكبير بالجسد العربي و بالاخص المصري يومها في ناس كانت ضد الصهينة و ناس مع السلام الاسرائيلي يلي قوض الكيان العربي و الاسلامي بعد كانت تداعيات الصلح مع اسرائيل و تم اغتيال السادات و جاء مبارك وكل ما تجي حكومة تلعن يلي قبليها و تم تجريم السادات ومسح الصفحة بتاعته و جاء مبارك باقطاع الطبقه الحاكمه والفساد و الدكتاتورية ومحاولة التوريث
قامت الثورة واعتقل اركان نظام مبارك ومبارك واولاده بعد ما قتلوا المتظاهرين وتمت انتخابات شرعية ولاول مره بتاريخ مصر يحكم مصر رجل مدني بانتخابات نزيهه و جاء مرسي
لكن مرسي من الاخوان …و هي جريمة بحد ذاتها في عقول البعض اول من تأمر عليه حكام الخليج خافوا تقفل في مصر كباريهات كانت مرتع لهم طالبوا مرسي باطلاق سراح مبارك رفض مرسي فبدأ تشديد الخناق
اتهم مرسي بكل شيء يمكن يكون مفخرة له :
اتهم انه فتح المعابر مع غزة
اتهم بأنه تواصل مع حماس
اتهم بانه ساند الثورة السورية
اتهم بانه وقف بوجه بناء سد النهضة الاثيوبي
ولما ما قدروا يمسكوا حاجة عليه قالوا
مرسي حيبيع قناة السويس لقطر
مرسي حيبيع النيل و الاهرامات
مرسي استولى على السلطة وسلمها للاخوان
وبدء التزوير و النفاق و الانقلاب
مرسي يحاكم على حاجات بتموت من الضحك
مرسي هرب من المعتقل ….هو اثناء الثورة مش المفروض المعتقلات تفتح عنوة وكل المعتقليين السياسيين يخرجوا ومين بيحاكم مين ؟؟؟؟
مرسي يتخابر مع حماس …هو مرسي مش رئيس و حماس مش صديقة بعهده ويتخابر يعني ايه ؟؟؟ بيعطي معلومات سريه عن مصر لحماس اسرائيل ما بتعرفهاش …………….ايه العبط ده
الاخوان اتقبض عليهم و تحكم عليهم بالاعدام
و مبارك و جماعته طلعوا براءة
مين يلي قتل ومين يلي اتسجن ومين يلي طلع براءه
القصص بتاعت فساد مبارك وعائلته تم طوي الصفحة بتاعتها وبقى هم الاعلام تشويه فترة الاخوان
هم الاخوان عملوا ايه ؟؟؟؟؟
ايمتى الاخوان عملوا انقلاب ؟؟ حتى لو سجلنا حالات الاغتيال المنسوبه لهم لا تشكل شيء يذكر بالقياس لاغتيالات السلطات الحاكمة المتناوبه في كل الوطن العربي
بعدين هي قناة السويس اتباعت ولا النيل ولا الاهرامات ؟؟
هو الاخوان استولى على السلطة ؟؟؟
ده يلي عمل الانقلاب وزراء مرسي يعني مش من جماعته وعشيرته
لو كان جاب جماعته على الاقل كان وزير الدفاع و الداخليه اخوان
استلم السيسي
ايه يلي اتصلح بالبلد ؟؟
الجنيه تحسن ؟؟؟؟
الاسعار نزلت ؟؟
البطاله انخفضت ؟؟
على الرغم من ان الخليج ضخ 30 مليار دولار
حماس عملت ايه ؟؟؟؟
حماس كانت عايزه تحتل مصر ؟؟
الشعب المقهور المحاصر بمدينة بحجم مصر الجديدة بدل ما نرفع الحصار عنه نخنقه اكتر واكتر
هو بغزة المحاصرة في مصانع اسلحة علشان يتم تهريب سلاح من غزة لمصر عبر الانفاق ؟؟؟؟
الاعلام المنافق بيكذب و الشعب المغيب بيصدق
بقت اسرائيل اقرب لمصر من غزة
الصهيانه علنا على التلفزيون المصري بقوا اقرب للمصريين من حماس
هو مين يلي حارب المصريين في 48 و 57 و 67 و 73 اليهود ولا الفلسطينيين ؟؟؟؟
مين يلي قتل الجنود المصريين اسرائيل ولا حماس
ايه صنف الحشيش الاعلامي يلي بتوزعوا قنوات العهر الاعلامي بمصر عشان يخدر عقول المصريين
ده انتو بتتفاخروا لما الراقصات بتروح تعمل حج ولا عمرة
ده احد الاعلاميين بيقولوا فيفي عبده عملت 16 مره حج …الله اكبر
ومع ذلك يتم تكفير منتسبي الاخوان و يحكم عليهم بالاعدام
الجاسوس عزام عزام لم يحكم عليه بالاعدم وتم اطلاق سراحه مع انه جاسوس اسرائيلي
مرسي يحكم عليه بالاعدام لانه تخابر مع حماس ؟؟؟؟؟؟
شوف بقى مرسي خطر على مصر اكتر من الجاسوس عزام عزام
عايزين عهر اكتر من كده ايه
اللهم اصلح اهل مصر ان اغلبهم لايعلمون

About جميل عمار -جواد أسود

كاتب سوري من حلب
This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.