حبيت يكونوا معنا بحملة مريضاً فزرتموني لنعالج اسنان هالاطفال و انصدمت بالواقع .. هالنوع من الاطفال اللي عندهن توحد او تخلف عقلي او فرط نشاط ما بيقدروا يفتحوا تمهن وقت طويل ولا بيقدر الاهل يعملوا عليهن كونترول ف99% من الاطباء بيرفضوا يعالجوهن لانه القصة متعبة و مسؤولية و بتاخد وقت 5اضعاف علاج الطفل الطبيعي فهالاطفال ببلدنا محكومين بالوجع بدون ما يقدروا يحكوا و لا حدا يعرف سبب ضوجانهن و عنفهن الناتج بكتير احيان من الالم .
ببلاد برا لقوا طريقة بسيطة و هي تجهيز المشافي لعملية تخدير عام بيتم تصليح كل الاسنان و الطفل مخدر و لكن طبعاً القصة بدها تتمة متل اكس راي سريع و جهاز لسحب الريق و مخبر سريع لتجهيز الكراون و غالباً بتتم العملية لتصليح كل الاسنان بمدة اقصاها ساعتين .
اليوم فريق المملكة السورية عم يسأل بمختلف محافظات سوريا و لهاللحظة الاجابات هي ماعنا هالتجهيزات ..
و هالملف وجب رفعه لوزارة الصحة و بتمنى التعاون من الاطباء لانه من المعيب بالقرن ال 21 وقت بلشوا برا عمليات تركيب راس عجسد آخر .. نحن مو قادرين نصلح اسنان طفل ماله اي ذنب انه خلق من ذوي الاحتياج الخاص .
