الاصلاح اللي منتمنى نشوفه بيبلش بالرؤوس و لحاله الذنب بيستقيم

 كتير حلو نزع الفيميه عن السيارات بس الاصلاح بيبدأ من فوق .

اصحاب الفيميه الكبار معروفين بالاسم و من قبل الحرب بكتير ورجونا فك الفيميه عن سياراتهن لو كإستعراض اعلامي قبلانين .
منسمع بوزراء تمت إقالتهم او روس كبيرة صارت برا بس ما شفنا محاكمات و لا سجون و لا اعدامات .
الاصلاح اللي منتمنى نشوفه بيبلش بالرؤوس و لحاله الذنب بيستقيم
بيبدأ بمحاكمات لقضاة فاسدين و لما بيكون القضاء بخير بترجع ثقة الشعب بالدولة .
اعلنت قيادة حزب البعث عن فتح باب الشكاوي بس ورجيني واحد مقيم بسوريا بيسترجي يشتكي علناً .. بهالطريقة عم تعززوا تحويل الشعب لمخبرين لانه ما حدا بيسترجي يطالب بحقه بصوت عالي
لأنكن مبلشين بالذنب مو بالرأس .
بس يتحاكم وزير فاسد و ينعدم ضابط خائن و يتسموا بالاسم من قبل الرئيس وقتها الشعب بيبلش بيتنفس اصلاح .
و منه بتوفروا جهد ووقت لانه اذا شلتوا الفيميه للكبار .. بتناموا بتفيقوا بتلاقوا سيارات الشعب كلها بلا تفييم و بدون ما تعطوهن ضبط واحد .
عقبال ما ينشال الفيميه عن أرصدة البنوك وتحط ايدها الدولة على كل مشروع انضاف لحدا بهال 6 سنين .

About ماغي خزام

ماغي خزام: إعلامية سورية, مدافعة عن حقوق الإنسان وناشطة على الفيسبوك, تعمل الآن على فيلم عن سوريا بهوليود مع الممثل الاميركي العالمي جيمس وودز
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.