وضاع حب 4 سنين مشان ليتر بينزين

Naeem Hilany

خسارة ياصديقتي
حزنت لأجلك
كتبت تقول لي:
يلي تعرّفت عليه من 4 سنين بالجامعة ، وحب 4 سنين
ويلي كان الي كتف وسند من 4 سنين
#مبارح_إجا_خطبني ❤
أول ما أندق الباب قلبي صار يدبك ، إجا أبوه وأمه واخته ❤
ما معقولة كمية الزوق والأكابرية والأخلاق بهالعيلة ❤
كوني أنا وحيدة ومدللة بابا تقّل المهر عالجماعة
والحمدلله الجماعة كرمال رغبة ابنهم وفرحهم فيه ما دققوا وقالوا #بتستاهل_بنتك
بعد ما فصلنا النقد نطّت ماما قالت الدهب كيت كيت كيت 🙂
الجماعة كمان ما عارضوا وقالوا متل ما بدكون وأمورنا بخير ونحنا جاهزين لطلباتكون❤
وحتى ملبوس البدن ماما بلشت تمعمع فيها ، ومع ذلك أكابرية الجماعة ما دققوا وقالوا متل ما بتأمروا نحنا جاهزين ❤
وبعدين صرنا بدنا نقرر وين بدنا نعمل حفلة كتب الكتاب
أنا هون من حقي احكي ، هاد يوم عمري ❤
اليوم يلي لازم اطلع ملكة ، ورفقاتي حوليي بيرقصوا ، فأنا كان شرطي يكون بصالة فخمة ❤
رغم أنه ما عجب أهل العريس بس كمان هزوا براسهم وقالوا حقّك يا بنتي ❤
يالله الأم ما معقولة شو حبّابة والأخت كتير كيوت
الأب لطيف جدا


والعريس ريتو يؤبر ئلبي😍
قعدنا وتفاهمنا وخلصت أمورنا على خير لحتى اجا أبو العريس قال صحيح مين بدو يجيب العروس عالصالة ؟!
قال بابا اكيد أنتوا بسيارتكون؟!
نطّت أم العريس قال أي لااااااااااااااع كلشي إلا هاد الشي .. خط أحمر ؟!
اختو هجمت وصارت تردح متل أم زكي تبع باب الحارة
وصارت تصفق بإيديها
وتقول #والبنزززين يا حبيبة قلبي #البنزين وين جاية تعرجي بحارة المكرسحين
أخي الو 4 ايام قايم نايم بالسيارة ، دفع دم قلبه وهوي واقف عالدور آخر شي تقولي البنزين ؟!
والأم صارت تقول امشوا امشوا بنتهم عندهم وبانزيناتنا عنّا
#ومافي_نصيب
العريس وقف واجا لعندي وعينه مدمعة قلي ما توقعتك هيك
#كلشي_بيناتنا_انتهى💔
#وضاع_حب4سنين_مشان_ليتر_بينزين 💔

This entry was posted in الأدب والفن, كاريكاتور. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.