هيك حكومة بدها هيك شعب

لوحة فنية تمثل الشعب السوري

منقول
مبارح المسا وأنا وطالع من الشغل عالبيت ما كان في سرافيس على جرمانا، بعد شوي وبيجي سرفيس بس
خطه مزة جبل، قال الشوفير طلعوا لوصلكن ع جرمانا، والله طلعنا، ونحن بالطريق في دورية شرطة قبل ما بيوصل لعندها وقف الشوفير وفتل علينا وقال : “ليكو أنا هاد الخط مو خطي وإذا وقفتني الدورية رح يدفعوني غرامة كبيرة والحل أنه نعمل حالنا طالعين زفة عرس ونشغل أغاني ونزلغط”.
قلنا له موافقين و فعلاً شغل أغاني وبلشنا غناء وزلاغيط ومرقنا من قدام الدورية وضلينا على هالوضع، وكل ما بينزل واحد نزلغطلو وهو تحت يصفقلنا..!!
وعمّ السرور أرجاء السرفيس، فعلاً كانت أحلا زفة بحضرها بحياتي، هيك حكومة بدها هيك شعب والعكس صحيح.

نرجو متابعتنا على فيسبوك وتويتر بالضغط على الايقونتين
This entry was posted in الأدب والفن. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.