#هو في واحد مقتنع بالاستبداد الاجتماعي وبيقول على نفسه ثائر سياسيا او حقوقيا ؟؟

بيقول لمراته مشفتيش البلد بنت ال …دي بتفتش موبايلاتنا وبتعمل حظر تجول وكمان بتمنعنا من السفر وبتتحكم في الثروة تكنش بتاعة ابوهم ..بلد تخنق لازم نسقط النظام المستبد القمعي الخاين .
قالت له :الصراحة مخدتش بالي ،لاني زي كل الستات حسب الدين والقانون والعرف انت بتفتش موبايلي وبتمنعني من ان حد يتصل بيا او اتصل بحد وبتراقبني وكمان ممكن تاخده مني وبتمنعني من السفر وبتحرموني من فلوسي وفلوس اهلي زي ما تكون فلوس ابوكم وبتمنعوني من الخروج وبتتحكموا في لبسي وفي كل حاجة في حياتي وبتشرعوا خيانتي وبتتباهوا بيها يا خونة وبتسرقوا شقى عمري وبتوصل لحد انك تقتلني ومتتحبس سواء انت او ابويا او اخويا او حتى العيل اللي شيلته في بطني .احنا معتقلات على طول وانتم السجانين ودينكم وقانونكم وعرفكم .فمخدتش بالي الحقيقة لما النظام عمل كدة فيكم وفينا كمان .اصل بالنسبة لي مفيش حاجة اتغيرت ،سواء هو اعتقلنا او بقينا معتقلات اجتماعيا ودينيا فمفرقتش معانا ، فاعذرني احنا متعودات على الاعتقال وكسرة النفس والاهانة ..


روح روح اسقط النظام ومتنساش تاخد موبايلي معاك احسن اكلم حد وانت برة يا مسطول ،ولا اقولك يا كذاب يا مقرف احسن .
#هو في واحد مقتنع بالاستبداد الاجتماعي وبيقول على نفسه ثائر سياسيا او حقوقيا ؟؟
اسمها إنه محتج علشان عايز فلووووس او سلطة يا غبي منك له لها .
 Huda Mostafa

This entry was posted in فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.