هدف كل الزعماء العرب اعادتنا الى ما قبل ثورات الربيع العربي ولهذا يساعدون المجرم بشار الأسد سراً

أخيرا إعترف ( السيسى ) قائلا :
( إنه يحاول العوده للبلد لما قبل 2011 ) !
و ده بيثبت إن كل البروباجندا الإعلامية حوله و حول تغييره البلد للأفضل ( فشنك ) و إنه كل ما فعله و يفعله ليعود بنا لما قبل 25 يناير 2011 هى أقصى أمانيه !
طبعا بعد التصريح العفوى الصدمه ده فى مؤتمر الشباب حاول النظام الترويج لنفسه بشكل ( إنجازات ) السيسى و جمعها فى ( العاصمة الإدارية الجديدة ) التى يحلم بها مش علشان ( الشعب ) لا سمح الله .
بل علشانه هو و نظامه الذى يحكم منذ إنقلاب يوليو 1952 و شله المنافقين و المطبلاتية و المنتفعين و الذين يدورون فى فلكه يكونوا ( صفوه الصفوة ) ممن تصرف ( مليارات الدولارات ) من أجل إنشاء تجمع يجمعهم معا و يوحدون صفوفهم و ( يتحرق ) الشعب على اللى مخليفنهم فى باقى البلد التى فسدت و إنهارت بسبب حكم دام لها أكثر من 60 سنه خربوها و دمروها و نهبوها و فضحوها فى العالم أجمع .
أطول ناطحه سحاب فى العالم تتفوق فى طولها على برج خليفه فى دبى ب 172 متر .
أكبر كنيسة فى أفريقيا
أكبر جامع فى أفريقيا
مبانى فخمه باذخة لأجهزة الدولة المختلفة
و أخرى لسكن ( الصفوه ) تتميز بإستنساخ لنمط المعمار فى ( القاهرة الخديوية ) التى خربوها و جعلوها مزبله !
أما آخر صورتين فى ال 16 صورة مع البوست فهى ( لبعض الشعب الرعاع ممن سيسهرون على خدمه ( الصفوة ) فى عمارات كئيبه ممله تليق بوضعهم ( كخدم )
ماذا لو ؟


ماذا لو وفرت تلك المليارات فى ( تصليح ) ما أفسدوه هم على مر السنين فى البلد كلها و ليس فى القاهرة فقط ؟
ألم يكن أجدى و أنفع و أوفر من أن أعيد بناء مؤسسات من أول و جديد ؟؟
فا مثلا وزارة الداخليه بعدما نقلوها من وسط البلد للقاهرة الجديدة فى مجموعه فخمه ضخمه من المبانى و صرف الملايين عليها يقال سوف ينشئ مبانى لها جديدة فى العاصمه الإدارية !!!
ما هى أصلا الفلوس متلتله و يصرفوا فيها على راحتهم و بعد كده يطلع يقول إحنا ( فقرا اوووووى ) !!!
طب ماشفناش يعنى إنشاء دار أوبرا أو مكتبه عالمية أو مركز أبحاث و لا حتى مدارس حكومية بتجهيزات عاليه المستوى و تطوير للمناهج و مجاراه العصر و لا سمعنا عن إنشاء مستشفيات تابعه للدوله تنافس المستشفيات الخاصه فى النظافه و تقديم علاج مميز للبسطاء !
كل ده مش فى الحسبان !
النظام بس قرفان يعيش معنا و حاسس إن البرستيج بتاعه مجروح إزاى يعيش وسط الغوغاء دوول ؟؟
ما هو الشعب بقى غوغاء بسبب نظام تعليمك و خطابك الإعلامى و رقابتك الفنية التى لا تسمح إلا بالرث و تمنع عنا الثقافه الراقيه منذ جاء المخرب ناصر على سده الحكم و للآن .
أصبحت المدن عشوائيات و البنيه التحتيه مهترئه بسبب فسادكم منذ يوليو 1952 و حتى الآن و الفساد المستشرى فيكم من أكبركم لأصغركم .
أما الناس الغبية اللى فاكره إنهم حيكونوا جزء من ( الفخامه ) الحجرية دى عايشين فى أوهام و أحلام .
أنتم خدم و ستظلون خدم مادام فاكرين إنكم هكذا أفضل من ( سوريا و العراق ) كما يقولون لكم !
و نسوا أو تناسوا إن هناك نموذج رائع لا يلقون الضوء عليه إسمه ( تونس ) لأنها تبين فشلهم و خيبتهم و كذبهم و نفاقهم .

About رشا ممتاز

كاتبة مصرية ليبرالية وناشطة في مجال حقوق الانسان
This entry was posted in ربيع سوريا, فكر حر. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.